السلام علیکم ورحمتہ اللہ و برکاتہ

نام ونسب
رملہ نام ام حبیبہ کنیت۔سلسلہ نسب کچھ یوں ہے
رملہ بنت ابی سفیان صخربن حرببن امیہ بن عبد شمس ۔والدہ کا نام صفیہ بنت ابوالعاص تھا۔جو حضرت عثمان رضی اللہ عنہ کی حقیقی پھوپھی تھیں
ولادت
حضرت ام حبیبہ رضی اللہ عنہا آنحضرت صلی اللہ علیہ وسلم کی بعثت سے۱۷ سال پہلےپیداہوئیں
(اصابہ ج۸ص ۸۴)

نکاح اول
عبیداللہ بن جحش سے جوحرب بن امیہ کے حلیف تھے نکاح ہوا(اصابہ ج۸ص ۸۴)
اسلام
اپنے شوہر کے ساتھ مسلمان ہوئیں اور حبشہ کی طرف ہجرت کی بدقسمتی سے ان کے شوہرنے حبشہ میں جاکر عیسائی مذہب اختیار کیاحضرت ام حبیبہ رضی اللہ عنہا سے بھی اپنے باطل مذہب کی دعوت دینے لگ گیا۔لیکن وہ اسلام پر قائم رہیں اب وہ وقت آگیاکہا ان کو اسلام اور ہجرت کی فضیلت کے ساتھ ام المؤمنین بننے کا شرف بھی حاصل ہو ۔
عبیداللہ نے عیسائی ہوکربلکل آزادانہ زندگی بسر کرنا شروع کی ،وہ شراب پینے کا بھی عادی ہوگیا
بالآخر اس کی موت بھی ہوگئی(زرقانی ج ۳ ص۷۶ بحوالہ ابن سعد)
نکاح ثانی
عدت کے دن ختم ہوئےتوآنحضرت صلی اللہ علیہ وسلم عمروبن امیہ ضمری کونجاشی کی خدمت میں بغرض نکاح بھیجا جب وہ نجاشی کے پاس پہنچے تواس نے حضرت ام حبیبہ رضی اللہ عنہا ذریعے سے پیغام دیاکہ آنحضرت صلی اللہ علیہ وسلم مجھ کو تمھارے نکاح کے لیے لکھاہے انھوں نے خالد بن سعید اموی کووکیل مقرر کیااور اس مژدہ کے صلہ میں ابرہہ کو چاندی کےدوکنگن اور انگوٹھیاں دیں جب شام ہوئی تونجاشی نےحضرت جعفررض بن ابی طالب اور وہاںکے مسلمانوں کوجمع کرکے خود نکاح پڑھایا اور آنحضرت صلی اللہ علیہ وسلم کی طرف سےچارسودینارمہراداکیا
نکاح کے بعدحضرت ام حبیبہ رضی اللہ عنہا بحری جہاز میں بیٹھ کرروانہ ہوئیںاور مدینہ کے بندرگاہ پراتریںآ نحضرت صلی اللہ علیہ وسلم اس وقت ضیبر میں تشریف رکھتے تھے اور پھر حضرتحضرت ام حبیبہ رضی اللہ عنہا حضور صلی اللہ علیہ وسلم سے جاملیںیہ سن ھ ۷ یا۸ کا واقعہ ہےاس وقت
حضرت ام حبیبہ رضی اللہ عنہا کی عمر ۳۶،۳۷ سال تھی
اولاد
پہلے شوہر سے دوبچے پیداہوئےعبداللہ اورحبیبہ۔حبیبہ رض نےآغوش نبوت میں تربیت پائی اور داؤد بن عروہ بن مسعودکو منسوب ہوئیں جو قبیلہ ثقیف کے رئیس اعظم تھے
حلیہ
خوبصورت تھیںصحیح مسلم میں ابوسفیان (حضرت ام حبیبہ رض کے والد)کی زبانی منقول ہےعندی احسن العرب واجملہ ام حبیبہ رض
میرے ہاں عرب کی حسین تر اور جمیل ترعورت موجود ہے(اصابہ ج۸ ص۸۵ بحوالہ ابن سعد )
فضل وکمال
حضرت ام حبیبہ رضی اللہ عنہا سے حدیث کی کتابوں میں 65 روایتیں منقول ہیں راویوں کی تعداد بھی کم نہیں ہے،بعض کے نام یہ ہیں۔حبیبہ رض،(دختر)معاویہ رض،اور عتبہ (دونوں ابوسفیان رض کے بیٹے)
عبداللہ بن عتبہ ،ابو سفیان بن سعید ثقفی،سالم بن سوار،صفیہ بنت شیبہ،زینب رض بنت ابوسلمہ رض عروہ بن زبیررض ، ابوصالح السمان اورشہر بن حشب شامل ہیں
اخلاق
حضرت ام حبیبہ رضی اللہ عنہا کے جوش ایمان کایہ منظر قابل دید ہےکہ فتح مکہ سے قبل جب ان کے والد محترم ابوسفیان کفر کی حالت میں آنحضرت صلی اللہ علیہ وسلم کے پاس مدینہ آئے اور ان کے گھر گئے توآنحضرت صلی اللہ علیہ وسلم کے بچھونے پر بیٹھناچاہتے تھےحضرت ام حبیبہ رضی اللہ عنہا نے یہ دیکھ کربچھوناالٹ دیا۔اس پر ابوسفیان سخت برہم ہوئے بچھونا اس قدر عزیز ہے کہ باپ کو بھی بیٹھنے نہیں دیا
بولیں یہ آنحضرت صلی اللہ علیہ وسلم کافرش ہے اور آپ مشرک ہیں اس بناپر ناپاک ہیں۔ابو سفیان نے کہاتو میرےپیچھے بہت بگڑگئی (اصابہ ج۸ ص ۸۵بحوالہ ابن سعد)
حضرت ام حبیبہ رضی اللہ عنہا فطرۃ نیک مزاج تھیںایک مرتبہ حضور صلی اللہ علیہ وسلم سے کہا میری بھن سے آپ نکاح کرلیجیے۔فرمایا کیا تمھیں یہ پسندہے؟ ۔بولیں ہاں میں ہی آپ ص کی تنہابیوی نہیں ہوںاس لیے میں یہ پسند کرتی ہوں کہ آپ کے نکاح کی سعادت میں میرے ساتھ میری بھن بھی شریک ہو
(صحیح بخاری ج ۲ص 764)
وفات
حضرت ام حبیبہ رضی اللہ عنہا نے اپنے بھائی حضرت امیر معاویہ رض اللہ عنہ کے زمانہ خلافت میں
سن ھ ۴۴ میں وفات پائی اورمدینہ میں دفن ہوئیں اس وقت ان کی عمر۷۳برس تھی

__________________