شہزادیِ اسلام مالکہ دارلسلام حضرت فاطمہ الزہرا رضی اللہ عنہا کا نکاح

گوشِ دل سے مومنو سن لو ذرا
ہے یہ قصہ فاطمہ کے عقد کا

پندرہ سالہ نبی صلی اللہ علیہ و آلہ وسلم کی لاڈلی
اور تھی بائیس سال عمرِ علی

عقد کا پیغام حیدر نے دیا
مصطفی صلی اللہ علیہ و آلہ وسلم نے مرحبا اھلاً کہا

پیر کا دن سترہ ماہِ رجب
دوسرا سن ہجرتِ شاہِ عرب

پھر مدینہ میں ہوا علان عام
ظہر کے وقت آئیں سارے خاص و عام

اس خبر سے شور برپا ہو گیا
کوچہ و بازار میں غل سے مچا

آج ہے مولیٰ کی دختر کا نکاح
آج ہے اس نیک اختر کا نکاح

آج ہے اس پاک و سچی کا نکاح
آج ہے بے ماں کی بچی کا نکاح

خیر سے جب وقت آیا ظہر کا
مسجد نبوی میں مجمع ہوگیا

ایک طر ہے ابو بکر و عمر
اک طرف عثمان بھی ہے جلوہ گر

ہرطرف اصحاب و انصار ہےں
درمیاںمیں احمد مختار ہیں

سامنے نوشہ علی مرتضیٰ
حیدر کرار شاہِ لافتیٰ

آج گویا عرش آیا ہے اتر
یاکے قدسی آگئے ہیں فرش پر

جمع جب سارا مجمع ہو گیا
سیدالکونین نے خطبہ پڑھا

جب ہوئے خطبے سے فارغ مصطفی صلی اللہ علیہ و آلہ وسلم
عقد زہرا کا علی سے کر دیا

چارسو مثقال چاندی مہر تھا
وزن جس کا ڈیڑہ سو تولہ ہوا

بعد میں خرمے لٹائے لاکلام
ماسواءاس کے نہ تھا کوئی طعام

ان کے حق میں پھر دعائے خیر کی
اور ہر اک نے مبارک باد دی

گھر سے رخصت جس گھڑی زہرا ہوئیں
والدہ کی یاد میں رونے لگی

دی تسلی احمد مختار نے
اور فرمایا شہہ ابرار نے

فاطمہ رضی اللہ عنہا ہر طرح سے بالاہو تم
میکہ و سسرال میںاعلیٰ ہو تم

باپ تیرا ہے امام الانبیاء صلی اللہ علیہ و آلہ وسلم
اور شوہر اولیاءکے پیشوا

ماہ ذی الحجہ میں جب رخصت ہوئی
تب علی کے گھر میں اک دعوت ہوئی

جس میں تھیں دس سیر جو کی روٹیاں
کچھ پنیر اور تھوڑے خرمے بیگماں

اس ضیافت کا ولیمہ نام ہے
اور یہ دعوت سنتِ اسلام ہے

سب کی اس کی راہ چلنا چاہیے
اور بری رسموں سے بچنا چاہیے