السلام علیکم ورحمتہ اللہ و برکاتہ
نام ونسب
میمونہ نام قبیلہ قریش سے ہیںسلسلہ نسب یہ ہے میمونہ بنت حارث بن حزن ابن بحیر بن ہزم بن روتہ بن عبداللہ بن ہلال بن عامر بن صعصعہ بن معاویہ بن بکر بن ہوازن بن منصور بن عکرمتہ بن خصیفۃ بن قیس بن غیلان بن مضر
والدہ قبیلہ حمیر سے تھیںان کا نام حسب ذیل ہے
ہند بنت عوف بن زہیر بن حارث بن حماطتہ بن جرش
نکاح اول
پہلے مسعود بن عمرو بن عمیرثقفی سے نکاح ہوالیکن کسی وجہ سے علیحدگی اختیار کرنی پڑی
(زرقانی ص۲۸۸ ج ۳)
پھر ابودرہم بن عبدالعزی کے نکاح میں آئیں ۔ابودرہم نےسن ھ ۷ میں وفات پائی تو لوگوں نے آنحضرت صلی اللہ علیہ وسلم سے انتساب کی کوشش کی
حرم نبی میں
آنحضرت صلی اللہ علیہ وسلم ذیقعدہ سن ھ ۷ میں عمرہ کی نیت سےبسوئے مکہ روانہ ہوئے تھے اسی احرام کی حالت میں حضرت میمونہ رضی اللہ عنہا سے نکاح ہوا(بخاری ج۲ ص611)
فضل وکمال
حضر ت میمونہ رضی اللہ عنہا سے46 احادیث منقول ہیںجن میں بعض سےان کی فقہ دانی کا پتہ چلتاہے
ایک مرتبہ حضرت عبداللہ بن عباس پراگندہ ہوئے تو کہابیٹے اس کا کیا سبب ہے؟
جواب دیا ام عمارمیرے کنگھاکرتی تھیں(اور آج کل ان کے ایام کا زمانہ ہے)
اس پر حضرت میمونہ رضی اللہ عنہا بولیں کیاخوب ۔آنحضور صلی اللہ علیہ سلم ہماری گود میں سر مبارک رکھتے تھے اور قرآن پڑھتے تھے اور ہم اسی حالت میںہوتے تھے اسی طرح ہم چٹائی اٹھاکر مسجد میں رکھ آتے تھے بیٹا کہیں یہ ہاتھ میں بھی ہوتاہے (مسندج 16ص۳۳۱)
حضرت میمونہ رضی اللہ عنہا کے شاگرد
حضرت ابن عباس رض،عبداللہ رض بن شدادبن الہاد،عبدالرحمن بن السائب،یزید بن اصم(یہ سب ان کے بھانجے تھے،عبیداللہ الخولانی(ربیب تھے)مذبہ(کنیز تھیں)عطاء بن یسار،سلیمان بن یسار(غلام تھے)ابراہیم بن عبداللہ بن معبد بن عباس کریب(ابن عباس رض کے غلام)عبیدہ بن سباق،عبیداللہ بن عبداللہ بن عتبہ،
عالیہ بنت سبیع
اخلاق
اخلاق میں بھی ایک در یکتاتھیں
حضرت عائشہ رضی اللہ عنہا فرماتی ہیں(اصابہ ج۸ص۱۹۲ بحوالہ ابن سعد)
ممیمونہ رض خداسے بہت ڈرتی اور صلہ رحمی کرتی تھیں
(اصابہ ج۸ص۱۹۲ بحوالہ ابن سعد)
ایک عورت بیمار ہوگئی تو اس نے منت مانی کہ اگر میں صحیح ہوگئی توتو بیت المقدس جاکر نماز پڑھوں گی ۔اللہ کی شان وہ صحت یاب ہوگئی اور سفر کی تیاریاں شروع کردیں جب رخصت ہونے کے لیے
حضرت میمونہ رضی اللہ عنہا کے پاس آئی تو اس عورت کو کہہ نے لگیںتم یہیں رہو
اور مسجدنبوی میں نماز پڑھ لو کیونکہ یہاں نمازپڑھنے کاثواب دوسری مسجدوں کے ثواب سے ہزار گنا زیادہ ہے(مسندج6ص۳۳۳)
وفات
یہ عجیب اتفاق ہے کہ آپ رض کا مقام سرف میں نکاح ہواتھا اور اسی جگہ میں وفات بھی ہوئی
حضرت ابن عباس نے نماز جنازہ پڑھائی اور قبر میں بھی انھوں نے اتارا صحاح میں ہے کہ جب ان کاجنازہ اٹھایاگیا تو حضرت ابن عباس رض نے کہایہ رسول اللہ صلی اللہ علیہ وسلم کی بیوی ہیںجنا زہ کو زیادہ حرکت نہ دوباادب آہستہ چلو
سال وفات میں اگرچہ اختلاف ہے ۔لیکن صحیح یہ ہے کہ آپ رض نےسنہ ھ۵۱ میں وفات فرمائی
(صحیح بخاری ج۲ص۷۵۸)

__________________