-عورت ایک پہیلی۔۔۔۔۔۔۔۔۔


[ نہ جانے یہ لڑکیاں کیسی ہوتی ہیںکہ یہ ہر وقت اپنے آپ کو کچھ سمجھتی رہتی ہیں؟ جب بھی ان سے بات کرو ہمیشہ ناک چڑھا کر ہی جواب دیتی ہیں۔میں تو کتنی دفعہ سوچ چکا ہوں کہ آئندہ ان سے کوئی بات نہیں کرنی ، مگر پتہ نہیں کیوں ، جب بھی وہ کوئی بات پوچھیں تو میں انکار نہیں کر سکتا۔اور فوراً ہی دادا ابو کے کمرے میں ہونے والی ساری کاروائی گوش گزار کر دیتا ہوں۔دراصل لڑکیاں مطلب کے وقت ہر ایک سے بات نکلوانے میں ماہر ہوتی ہیں،جب مطلب ہو تو بھائی،پیار سے بھیا جیسے القابات سے نوازتی ہیں، اور جب مطلب نہ ہو تو پھر صاف جھنڈی کروانے کے ساتھ ساتھ ہر بات منہ اور نتھنے پُھلا کر جواب دیتی ہیں۔
کسی نے سچ ہی کہا ہے کہ" عورت ہے ہی ایک پہیلی" جسے سمجھنا مشکل ہی نہیں ناممکن بھی ہے ۔ یہ تھے علی اور احمد جو اپنی بہنوں اور کزنوں کی وجہ سے سخت پریشان تھے۔

کیونکہ اگر انہیں کچھ کھانا یاپینا ہو تو بےوقت اماں کی ڈانٹ سننے کی بجائے چپکے چپکے کسی بہن یا کزن کو کام کہہ کر کروا لیا۔اور اسی طرح ان کی کزن کا بھی یہی حال تھا کہ بازار سے کوئی چیز منگوانی ہو یا بڑ وں کے کمروں میں ہونیوالی گفت و شنید کی بابت کچھ پتا کرنا ہو تو فوراً منت سماجت کی اور بڑوں کے کمروں کی باتیں پتہ کروالیں۔
پہلے زمانوں میں تو صرف بڑے ہی یہ بات کہا کرتے تھے کہ عورت کو سمجھنا اور اس کے دل میں جھانک کر اسکے خیالات کا اندازہ کرلینا آسان نہیں بلکہ انتہائی مشکل امر ہے۔ اکثر اوقات ہم لوگوں کو یہ کہتے سنا کرتے تھے کہ عورت کو سمجھنا بہت مشکل کام ہے تاہم یا تو لوگ اسے محض ایک مفروضہ یا کسی فلم کا ڈائیلاگ تصور کرتے تھے۔
دلچسپ امر کا آغاز تو اس وقت ہوا جب محقیقین پر مشتمل ایک ٹیم نے طویل تحقیق کے بعد اس خیال پر مہر ثبت کردی کہ عورت کو سمجھنا اور اس کے دل میں جھانک کر اس کے خیالات کا اندازہ کرنا آسان نہیں بلکہ انتہائی مشکل عمل ہے۔
امریکی محقیقین کا کہنا ہے کہ یہ محض ایک خیال نہیں بلکہ ایک مصدقہ حقیقت ہے۔انڈیانا یونیورسٹی کے زیرٍ اہتمام ہونیوالی اس تحقیق کے مطابق بڑی تعداد میں ایسے افراد کو زیرٍ مشاہدہ رکھا گیا جو بیک وقت کئی کئی خواتین سے دوستیاں کرنے کے شوقین ہوتے ہیں، اور اپنے آپ کو عورت کی فطرت سمجھنے کا ماہر خیال کرتے ہیں۔ان افراد کو خواتین کے کچھ وڈیو کلپس دکھائے گئے، وڈیو کلپس دکھانے کے بعد شرکاء سے سوالات کا سیشن شروع ہوا تو شرکاء سے دو سوالات پوچھے گئے، اول یہ کہ کیا وہ سمجھتے ہیں کہ وڈیو میں موجود شخص کے ساتھ عورت تا زندگی ساتھ نبھائے گی؟ سوالات کا مرحلہ مکمل ہونے کے بعد ان کے جوابات کا موازنہ وڈیو کے آخری حصے میں دئیے گئے نتائج سے کیا گیا جسے دیکھتے ہوئے ماہرین اس نتیجے پر پہنچے کہ عورت کے مزاج کو سمجھنا مردوں کیلئیے انتہائی مشکل کام ہے۔
سائیکلوجیکل سائنسز نامی جریدے میں شائع ہونے والی اس رپورٹ کے مطابق ’’ عورت کی فطری حیا اسے مرد سے مختلف بناتی ہے جس کے نتیجے میں وہ بند کتاب کی طرح بن جاتی ہے اور کوئی بھی اس کے اندر کی تحریر کو نہیں جان سکتا، اس لئے وہ کسی بھی شخص کو جانچنے کیلئیے کافی وقت لے لیتی ہے۔‘‘
تحقیق کا اہتمام جرمنی کی ہمبولٹ یونیورسٹی برلن کے توسط سے کیا گیا اور اسے ’’ سپیڈڈ یٹمنگ‘‘ کا نام دیا گیا۔
بہرحال تحقیق کی روشنی سے یہ ثابت ہوگیا کہ خواتین کو سمجھنے میں صرف عام مرد حضرات ہی ناکافی نہیں ہیں ‌بلکہ ماہرین بھی اس سلسلے میں الجھن کا شکار ہیں ۔
اس تحقیق کی روشنی میں جب خواتین سے کچھ معلومات لی گئیں تو خواتین کا ردٍ عمل یہ تھا کہ ’’ عورتوں کو نہ جانے مرد حضرات کیا سمجھتے ہیں ۔‘‘ ’’حالانکہ ہم تو ایک جیسی باہر سے کھری ہیں۔‘‘
لیکن جب ان سے کہا گیا کہ یہ تو نئی تحقیق میں‌ماہرین نے ثابت کر دیا ہے، تو کہنے لگیں کہ تحقیق کرنے والے بھی تو مرد ہی تھے۔وہ عورتوں کے بارے میں ایسی بات کہہ سکتے ہیں ،جبکہ ہم اس تحقیق کو نہیں مانتیں۔