راجہ اکرام

سلام بہنا
اچھا سوال ہے۔
لیکن جب عورت کا اصل میدان ہی گھر اور امور خانہ داری ہے تو کیا یہ سوال کچھ عجیب نہیں لگتا۔؟
اور ویسے بھی وہ خصوصیات مشہور ہوتی ہیں جو نایاب ہوں۔۔۔ خصوصیت کی تعریف اگر دیکھی جائے ’’ما یوجد فیہ ولا یوجد فی غیرہ‘‘ یہ وہ نادر و نایاب چیز ہے جو ہر کسی میں نہیں‌ پائی جاتی۔
کھانا پکانا ایک ایسی وصف ہے اور اتنی عام وصف ہے کہ اس کا ذکر کرنا ضروری نہیں سمجھا گیا۔۔لیکن تمام صحابیات و ازواج مطہرات رضوان اللہ علیھن لازما یہ سارے کام کرتی تھیں
کیوں کہ یہ بھی تو ہم نے نہیں سنا کہ فلاں صحابی اتنا وقت باورچی خانے کو دیا کرتے تھے۔۔۔

مرد اور عورت کو مل جل کر سارے معاملات طے کرنے چاہییں، ایک دوسرے کا ہاتھ بٹانا چاہییے لیکن
مذکورہ بالا سوال کچھ عجیب سا لگا

__________________
محتاج اصلاح و دعا

یاسر عمران مرزا

سحر بہنا
میں پردیس میں رہتا ہوں اور کافی اقسام کے کھانے پکا لیتا ہوں، چاہے نارمل ذائقے کی ہی سہی لیکن گزارہ چلا لیتا ہوں ۔میں یہ نہیں کہتا کہ عورت صرف کچن کے لیے ہی بنی ہے مگر ہمارے معاشرے کا نظام کچھ ایسا بن چکا ہے کہ کھانا پکانے کی ذمہ داری عورت کے لیے ہی بچتی ہے کیوں کہ مرد کے ذمہ گھر سے باہر کے کام، جن میں معاش بھی شامل ہے وہ سب ہیں۔

مرد اور عورت جب اپنے نئے گھر میں اپنی زندگی کی شروعات کرتے ہیں تو ان دونوں نے مل کر زندگی کے تمام امور سرانجام دینے ہوتے ہیں، نئے گھر کے امور میں بنیادی کام ، ایک تو ذریعہ معاش، جبکہ دوسرا گھر کی دیکھ بھال، مہمانوں کی خاطر داری وغیرہ۔ یہ دونوں امور میاں بیوی بانٹ سکتے ہیں، یا تو عورت معاش لے کر آئے اور مرد گھر کے کام، برتن صفائی، گھر صفائی، کھانا پکانا ، کپڑے دھونا وغیرہ کرے، یا عورت گھر رہے اور مرد ذریعہ معاش تلاش کرے۔
اب اگر میں پردیس کی مثال دوں ، پردیس میں جب کچھ لوگ ایک فلیٹ پر رہتے ہیں تو سب کے ذمہ کچھ کام ہوتے ہیں، کوئی کچن کو وقت دیتا ہے، کوئی سبزی وغیرہ لے آتا ہے، صفائی ہر روز کسی ایک صاحب کے ذمے ہوتی ہے دوسرے دن کسی اور کے ، یوں ایک گھر کا نظام چلتا ہے ۔اب مرد ٹھہرا طاقتور، جسمانی طور پر، اس لیے وہ بظاہر مشکل کام یعنی محنت مزدوری کرنے لگ جاتا ہے جبکہ خاتون جسمانی طور پر کمزور وہ گھر کی ذمہ داریاں نبھانے لگتی ہے۔ حالانکہ وہ بھی کچھ ایسی آسان نہیں ہوتیں، ایسا چونکہ عرصہ دراز سے ہو رہا ہے اس لیے عورت کو کچن کے امور کا ماہر سمجھا جانے لگا ہے۔

تاہم بیشتر گھرانے ایسے بھی ہیں جہاں مرد اور عورت دونوں کام کرتے ہیں ایس صورت میں کوئی دوسرے خاتون جسے ملازمت دے کر گھریلو کام مکمل کروا لیے جاتے ہیں اور اگر میری شریک حیات نے مجھ سے اس قسم کا مطالبہ کیا اور کچن کے کاموں سے معذوری ظاہر کی تو میں بہ خوشی اسے ملازمت کرنے اور گھر پر ملازمہ رکھنے کا اختیار دے دوں گا۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

سحر

میں یہ نہیں کہہ رہی ہوں کہ خواتین کو گھر کا کام نہیں کرنا چاہیے ، بلکہ میں یہ کہہ رہی ہوں کہ خواتین کو صرف کھانا پکانے پر لگادینا کہاں تک درست ہے ۔
جہاں تک صحابیوں کے کھانا پکانے کا رتعلق ہے ۔
صحابی رسول صلی اللہ علیہ وسلم کھانا پکا یا کرتے تھے ۔
حضرت عمر کو کھانا پکانا آتا تھا ۔
حضرت ابوایوب انصاری رضی اللہ عنہ کے گھر حضور اکرم صلی اللہ علیہ وسلم اپنے چند صحابہ کے ساتھ تشریف فرما ہوئے تو حضرت ابوایوب انصاری نے خود بکری ذبح کی آدھا گوشت بھونا اور اور آدھے گوشت کا سالن بنایا ۔ اور ان کی ذوجہ نے روٹیاں پکائیں
راجہ بھائی
کیا آجکل کے ماڈرن دور میں بھی ہمارے گھروں میں مہمانوں کے آنے پر گھر کے مرد کھانا پکاتے ہیں ۔
مجھے تو حضور اکرم صلی اللہ علیہ وسلم کے دور میں صحابیوں کے ذہن ذیادہ کھلے اور وہ لوگ ذیادہ بروڈ مائنڈڈ لگتے ہیں ۔
ہمارے یہاں تو اگر مرد اپنے گھر کی خواتین کی مدد کرتے بھی ہیں تو وہ ان خواتین پر احسان سمجھتے ہیں کیونکہ ان کی نظر میںساری ذمہ داری تو عورتوں کی ہی ہوتی ہے ،

سحر

یاسر بھائی
آپ کی بات ٹھیک ہے ۔
لیکن میرا اپنا بھی تجربہ ہے اور میں نے بہت سے گھروں میں بھی دیکھا ہے کہ اگر بیوی نوکری بھی کرتی ہے تب بھی کھانا پکانا عورت کی ہی ذمہ داری ہوتی ہے ۔ میری امی نے زندگی بھر نوکری کی ۔ میری امی نوکری سے گھر آکر کھانا پکایا کرتی تھیں ۔
ابو مدد ضرور کرتے تھے لیکن ذمہ داری امی کی ہی ہوتی تھی ۔
کبھی میں نے مردوں کو گھر کے کام اپنی ذمہ داری سمجھ کر کرتے نہیں دیکھا ۔

یاسر عمران مرزا

ہاں بیشتر مرد ایسے کاموں میں لا پرواہی کرتے ہیں اور اپنی شریک حیات کو شریک حیات نہیں، نوکر سمجھتے ہیں۔ میرا نظریہ تو یہی ہے کہ اگر بیوی گھر داری کی بجائے کچھ اور کرنا چاہتی ہے تو اسے بھرپور موقع دیا جائے اور اسکی ذہنی طور پر مدد بھی کی جائے۔

اخترحسین

گڈ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔

راجہ اکرام

یہ بات تو ٹھیک ہے کہ ذمہ داری عورت ہی کی سمجھی جاتی ہے، بلکہ اگر کوئی مرد کام کرے تو لوگ نہ جانے اسے کیا کیا طعنے دیتے ہیں

ہاتھ بٹانا اور مل جل کر کام کرنا زندگی کو آسان کر دیتا ہے۔۔اور محبت میں اضافے کا سبب بھی یقینا ہوگا

شیررحمن

جی ہاں ۔ عورت کا اصل مقام تو گھر ہے لیکن سحر باجی کی بات بالکل صحیح ہے آج ہم نے عورت کو صرف کھانے پکانے تک ہی محدود رکھا ہے ۔۔اس کا یہ کھانا پکانا بھی صرف اپنے شوہر نامدار کے لیے تھا جسے ہم لوگوں نے اٹھا کر ساس سسر کے لیے رکھ دیا ہے ۔عورت کا کام بچوں کی تربیت اور اور شوہر کے حقوق کی بجا آوری تھی ۔۔لیکن ہم نے اس کو صرف گھر کے کاموں کے لیے ایک نوکرانی کی حیثیت سے رکھا ہوا ہے۔۔صرف شوہر اور بچوں کو بوقت ضرورت تو وہ باورچی کا کام کر کے دے سکتی ہے لیکن صرف اسے اسی کھانوں اور گھر کے اور کاموں میں لگا دینا خلاف شرع ہے۔۔وہ بھی دینی کاموں میں بھر پور حصہ لے گی۔۔ضرورت اس بات کی ہے کہ ہم عورت پر یہ زمہ داری ضرورت سے زیادہ نہ ڈالیں ۔تاکہ وہ بھی کچھ دین سیکھ سکے اور اپنے بچوں کی بہتر تربیت کے لائق ہو۔۔ آج ہم نے عورت پر گھر کے کاموں میں بھی اتنا بوجھ ڈال دیا ہے کہ وہ بیچاری ان سے فارغ ہو تو کچھ دین سیکھے اور بچوں کی تربیت کرے۔۔ ہم مردوں کو اللہ ھدایت دے۔۔عورتوں سے گھر کا پورا پورا کام بھی مانگتے ہیں اور پھر گلے شکوے بھی کرتے ہیں کہ بیگم کو بچوں کا کوئی خیال نہیں۔۔عورت بنی تھی شوہر کی خدمت اور اطاعت کے لیے لیکن ہم نے اس کو مشین سمجھ کر ساس سسر اور دیور اور نندوں کی خدمت میں لگا دیا۔۔اللہ سب کو ھدایت دے۔۔

حیدر Rehan

"عورت باورچی خانہ کےلیے نہی بنی" لیکن یہ بات تہہ ہے کہ
"باورچی خانہ عورت کے لیے ہی بنا ہے" ۔
عورت اگرجلدی کھانہ بنا لے تو 2+2+1 ٹائم میں کھانا بن جاتا ہے اور اگر گھر میں 2 عورتیں ہیں تو یہی ٹایم
تقسیم ہوکر 5۔2 آور ہوجائے گا ۔ باقی بچے 5۔21 آورز میرے خیال سے بہت ٹائم ہے اپ کے اپنی مرضی سے گزارنے کے لیے (ہاں کچھ نیند کم کردیں ) تو وقت یہاں سے بھی بچ سکتا ہے۔

__________________
شمع ہر رنگ میں جلتی ہے سحر ہونے تک

راجہ اکرام

ویلڈن ریحان بھائی ۔

فرحان دانش

اگر خواتین باورچی خانہ تک محدود ہیں تو اس میں ان کا اپنا قصور ہے ۔

منتظمین

کچھ خواتین زندگی میں صرف دو کام کرنے کے لیے پیدا ہوتی ہیں۔ اگر ان کی زندگی کا خلاصہ کیا جائے تو دو سطروں میں زیست کا سفر طے ہو جاتا ہے۔

ٹی وی پر پروگرام دیکھ دیکھ کر تھک گئی تو سونے کے لیے چلی پڑی، سو کر اٹھی تو طبعیت کچھ ناساز سی تھی دل کو بہلانے کے لیے ٹی وی لگا لیا۔

__________________
تم سپاہی نہیں ہو پیشہ ور قاتلو!

راجہ اکرام

لیکن یہ تجزیہ ناقص ہے
اس لئے کہ ایک بڑی تعداد ایسی ہے جن کا ہاں تا ھال ٹی وی نہیں ہے

ام طلحہ

آپکا یہ تجزیہ 0.000001 فیصد پر فٹ بیٹھ سکتا ہے۔ ایلیٹ کلاس کا ویسے بھی کچن میں کیا کام۔