حضرت ابراہیم علیہ السلام کو اللہ کی طرف سے حکم ملا کہ اپنے بیٹے حضرت اسماعیل علیہ السلام کی قربانی اللہ کی راہ میں پیش کی جائے ۔
حضرت ابراہیم نے اللہ کے حکم پر سرتسلیم خم کیا اور اپنے بیٹے کو قربان گاہ لے کر گئے ۔

وہ کونسا جذبہ تھا جس میں سرشار ہوکر حضرت ابراہیم اللہ کے حکم پر اپنے بیٹے کو قربان کرنے کو تیار ہوگئے اور اپنے ہاتھوں سے ذبح کرنے کی نیت کرلی ۔
کبھی سوچیں اگر ہم پر یہ وقت آئے تو ہمارا رویہ کیا ہوگا ۔
ہم ہر سال پڑی خوشی خوشی بکروں ، دنبوں ، گائے وغیرہ کی قربانی کرتے ہیں ۔ اور قربانی کے لیے مہنگے سے مہنگا بکرا خریدتے ہیں اور فخریہ پورے مہلے میں اس بکرے کو ٹہلاتے ہیں ۔
اور پہر عید کے دن اس کو قربان کردیتے ہیں۔
میں سوچتی ہوں کہ اگر ہمیں اللہ کی طرف سے حکم آئے کہ ہرسال تو تم لوگ جانوروں کی قربانی کرتے ہو اس سال تم نے اصل قربانی یعنی اپنے بیٹوں کو اللہ کی راہ میں قربان کرنا ہے جیسے حضرت ابراہیم علیہ السلام نے کی تھی ۔
ہم میں سے کتنے لوگ ہونگے جو اس سال قربانی کریں گے ، کتنے لوگ ہونگے جو اللہ کے حکم پر سرتسلیم خم کردیں گے
اور کتنے لوگ ہونگے جو تاویلیں اور بہانے تراش رہے ہونگے ۔
قربانی کا مظلب ہی ہے کہ اپنی سب سے محبوب چیز اللہ کی راہ میں قربان کرنا ۔ اور اس دنیا میں اولاد
سے ذیادہ محبوب ہمیں کچھ نہیں ہوتا ۔
ہم اپنی اولاد کے لیے اپنا سب کچھ قربان کردیتے ہیں تو کیا ہم اللہ کی راہ میں اپنی اولاد اپنے ہاتھوں سے قربان کریں گے ۔
کیا ہم اپنے بیٹون کو تیار کرکے قربان گاہ لے کر جائیں گے ۔ اور اپنے ہاتھوں سے اللہ کے سپرد کریں گے ۔
حدیث نبوی صلی اللہ علیہ وسلم ہے جس کا مفہوم ہے
تم مومن نہیں ہوسکتے جب تک اللہ اور اس کا رسول صلی اللہ علیہ وسلم تم کو اپنے بیوی بچوں ، اور تمھارے والدین سے ذیادہ محبوب نہ ہو ۔
اپنی اولاد اللہ کی راہ میں اسی وقت قربان کی جاسکتی ہے جب تک ہم کو اللہ اور اس کے رسول صلی اللہ علییہ وسلم سے اپنی اولاد سے ذیادہ محبت نہ ہو ۔
جس دن ان سوالوں کا جواب ہم ہاں دینے کے قابل ہوگئے
کہ ہاں ہم اللہ کی راہ میں اللہ کے حکم کو پورا کرنے اور اللہ کی رضا کی خاطر اپنے بیٹے قربان کرنے کو تیار ہیں ۔ اس دن دنیا کی کوئی طاقت ہماری طرف نظر اٹھا کر دیکھنے کی ہمت نہیں کرسکتی ۔