چند دن پہلے میں اپنے ایک عزیز کے ہاں گیا جسکا بکس اور سٹیشنری کا ایک بہت پرانا اور کافی بڑا سیٹ اپ ہے۔۔ ایسے ہی باتوں باتوں میں ذکر نکل آیا عید کارڈ کا ۔ کہنے لگا ۔
ایک وقت تھا کہ عید کارڈ ہر گھر میں خریدے اور بھیجے جاتے تھے۔ اور یہ کو ئی زیا دہ پرانی بات نہیں یہی سات آٹھ سال پہلے با ت ہے کہ عید کارڈ رمضان سے پہلے ہی لگنا شروع ہو جا تے ۔۔ کیونکہ جن لوگوں نے دوسرے مما لک میں کارڈز بھجوانے ہوتے تھے وہ شروع میں خرید کر بھجوا دیتے کہ بعد میں رش کی وجہ سے کارڈ لیٹ نہ ملیں۔ لیکن اب تو لوگ کارڈ کی طر ف آتے ہی نہیں۔اور اس کی سب سے وجہ یہی بیماری ہے جسے آپ لوگ موبائل فون کہتے ہیں۔
اور دوسری وجہ مہنگا ئی ہے جس نے سب کی کمر توڑ دی ہے۔

وہ تو اس کے بعد اپنے کئی دکھڑے روتا رہا مگر میں سوچنے لگا ۔
واقعی کارڈ خرید نے اور بھجوانے کی روائت بہت خوبصورت ہے۔ اور یہ روائت بھی اب خط کی طر ح دم توڑ رہی ہے۔
جد ید ٹیکنالوجی نے شک ہمیں بہت سہولتیں فراہم کی ہیں ۔ اب ہم جب چاہیں اپنے کسی بھی دوست، عزیز سے بہت کم وقت اور پیسوں میں با ت کر سکتے ہیں ۔ لیکن جو لذت، خوبصورتی، اور مزہ خط اور کارڈ میں تھا وہ کہاں۔
خط یا عید کارڈ لکھنا ، بھیجنا اور جواب کا انتظار کرنا ایک انوکھی کیفیت میں سے گذرنے کا نام ہے جو موبائل فون پر بات کرنے سے کبھی محسو س نہیں ہو سکتی

کارڈ کی مختلف اقسام ہیں جو رشتوں کے حوالے منتخب کی جا تی ہیں ۔

محبت، پیار کے پیغامات سے لبریز عید کارڈ نوجوان نسل کی خا ص توجہ کا مرکز ہوتے ہیں ۔ ان کارڈز میں جہاں محبت کی مختلف کیفیات کے مطابق فقرے، اشعار، نظمیں وغیرہ خوبصورت انداز میں لکھی ہوتی ہیں وہیں بیک گراونڈ میں کبوتر، مور ، تاج محل، دل کی شکل، پھول وغیر ہ کا بے دریغ استعمال کیا جا تا ہے۔

ماں ، بہن، بھائی ، ٹیچر، دوست وغیرہ کے حوالے سے الگ الگ کارڈز ہوتے ہیں اور ہر شخص اپنے جذبات سے ہم آہنگ کار ڈ منتخب کر تا ہے۔

اسلامی کارڈ کی ورائٹی بھی بہت وسیع ہوتی ہے۔ اس میں جہاں خا نہ کعبہ، روضہ رسول ، مختلف مساجد کو نماں طور پر دکھایا جا تا ہے ۔ وہیں مور، کبوتر بھی اسلامی کارڈ پر نظر آتے ہیں۔
مختلف آیا ت ، دعائیں اور دعا منگتے ہاتھ بھی اسلامی کارڈ کی ورائٹی میں نماٰیاں دکھا ئی دیتے ہیں۔

ایک اور اہم ورائٹی مزاحیہ کارڈ کی ہو تی ہے۔ اس میں جہاں‌مختلف کارٹون، مزاحیہ اشکال وغیر ہ استعمال کی جا تی ہیں ۔ وہیں مختلف جا نور خصوصا چمپنزی، اور گدھے کا خصوصی مقام ہے۔

مختلف کوٹس، مناظر، بھول، پتے، موسم وغیرہ کے ساتھ کیلی گرافی کے مختلف انداز بھی کارڈ کو سجاتے ہیں۔

سادہ کارڈ جو مختلف لوازمات سے مبرا ہوتے ہیں بہت پسند کیے جاتے ہیں

بچوں کے کارڈ بھی بہت سے کارٹوں سے سجے ہوتے ہیں۔

کچھ ہی عرصہ پہلے تک عید کارڈ کے سٹال ماہ رمضان کے ابتدائی دوعشروں میں بہت توجہ حاصل کرنےتھے اور بازاروں کی زینت ہوا کرتے تھے ۔ مگر اب آہستہ آہستہ یہ سٹال بہیت ہی کم ہو گئے ہیں ۔
اب تو پہت سے پبلشر بھی اس فیلڈ کو چھوڑگئے ہیں ۔ اور وہ تما م فنکا ر جو ان کارڈ کی ڈیزائنگ، پرنٹنگ اور فنشنگ اور شہر شہر سیل کے کاروبا ر سے وابستہ تھے ۔ اب اس فیلڈ سے دور ہو گئے ہیں۔
جیسے حالا ت چل رہے ہیں ۔ بہت ممکن ہے آئندہ چند سالوں تک یہ روائت محض کاغذوں میں محفوظ رہ جائے