عید کا دن خوش ہونےاور خوشیاں ، محبتیں بانٹنے کا دن ہے ،
کیا واقعی ہم اس دن محبتیں بانٹتے ہیں یا ان کو محض سمیٹنے کی فکر کرتے ہیں ۔

ایک مرتبہ عید کے دن حضور اکرم صلی اللہ علیہ وسلم نے ایک یتیم بچے کو روتے دیکھا ۔ آپ صلی اللہ علیہ وسلم نے اس بچے کو گود میں اٹھایا اور حضرت عائشہ رضی اللہ عنہ کے پاس کے لیے کر آئے ۔
حضرت عائشہ رضی اللہ عنہ نے اس بچے کو نہلا دھلا کر نئے کپڑے پہنائے۔

کیا ہم نے کبھی عید کے دن کسی یتیم بچے کو گود میں اٹھا کر پیار کیا ۔
ہم غریبوں میں پیسے تقسیم کرکے سمجھتے ہیں کہ ہم بہت سخی اور غریب پرور ہیں ۔کیا چند روپے محبت کے مترادف ہوسکتے ہیں
حدیث نبوی صلی اللہ علیہ وسلم ہے جس کا مفہوم ہے
یتیم کے سر پر ہاتھ پھیڑنے والے کو جتنے اس ہتیم کے سر پر بال ہیں اتنی نیکیاں ملتی ہیں

سر پر ہاتھ پھیڑنا اور پیار کرنا محبت کے اظیار کے طریقے ہیں جو اسلام ہیں سکھاتا ہے ۔
کیا ہم غریبوں ، یتیموں سے محبت کرتے ہیں یا محض ان پر ترس کھاتے ہیں

مجھے مردوں کا تو علم نہیں لیکن خواتین عید کے دن اپنی تمام رشتہ دار خواتین سے تو عید ملتی ہیں
لیکن ان کے اپنے گھر میں کام کرنے والی ماسی سے گلے ملنا پسند نہیں کرتی ہیں
اور چند سو روپے عیدی کے طور پر دے کر سمجھتی ہیں کہ ہم نے ان غریبوں پر بہت احسان کردیا ہے

حضوراکرم صلی اللہ علیہ وسلم نے اپنے غلاموں کو آذاد نہیں کیا بلکہ ان کو اپنی اولاد کی طرح محبت دی ۔ یہاں تک کہ آپ کے غلام آپ کی غلامی میں آزادی سے ذیادہ خوش رہتے

حضرت عائشہ رضی اللہ فرماتی ہیں ۔ حضور اکرم صلی اللہ علیہ وسلم حضرت ذید بن حارث اور حضرت اسامہ بن ذید کو ماتھے پر بوسا دیا کرتے تھے

ہمارے گھر ایک بارہ سال کی بچی کام کرتی تھی ۔ ایک مرتبہ مجھے غصہ آیا میں نے غصے میں اس بچی کو ڈانٹ دیا حالنکہ اس کا کوئی قصور نہیں تھا ۔ وہ خامشی سے چلی گئی ۔ مجھے اپنی غلطی کا احساس ہوا تو میں اس کے پاس گئی اس کو پیار کیا ۔
وہ بچی جو میری ڈانٹ پر نہیں روئی میرے پیار کرنے پر روپڑی ۔ میں نے اس سے معافی مانگی ۔
اس دن کے بعد سے اس بچی نے میرا ایسا خیال اور ساتھ دیا جیسا ایک بیٹی اپنی ماں کا دیتی ہے ۔
آج مجھے بھی وہ بہت یاد آتی ہے ۔ یہ محبت ہی ہے جس کی وجہ سے وہ بچی مجھے یاد آتی

ہم نوکروں کی ہر خدمت کو پیسوں سے کیوں تولتے ہیں ۔ کیا ہم ان سے محبت نہیں کرسکتے ۔ اور ان
کی ضروریات کا خیال اس طرح نہیں رکھ سکتے جس طرح ہم اپنی اولاد کا رکھتے ہیں
کیا ہم عید کے دن اپنی ماسی کی بیٹیوں کو اپنے ہاتھوں سے مہندی نہیں لگاسکتے جس طرح اپنی بیٹیوں کو لگاتے ہیں
ہم اپنے نوکروں کے لیے عید کا جوڑا خریدتے ہیں تو کم قیمت کا کیوں لیتے ہیں ویسا ہی کیوں نہیں لیتے جیسا اپنے لیے لیتے ہین
کیا ہم محلے میں کسی غریب کے بچے کو جو عید کے دن پرانے کپڑوں میں کھڑا ہو اس کو گود میں اٹھا کر اپنے گھر لاکر نہلا دھلا کر اپنے ہاتھوں سے تیار نہیں کرسکتے ۔
اگر ہم عید کے دن واقعی محبتیں بایٹیں تو یقین مانیے ہم کو سچی خوشی نصیب ہوگی
محبت بانٹیے آپ کو یہ محبت منافعے کے ساتھ وصول ہوگی انشاءاللہ