ساتھیو‘ پاکستانی روپے کی قدر میں مسلسل کمی کے رجحان‘ امن و امان کی صورتحال کے باعث خراب معیشت اور بدعنوان لیڈرشپ جیسی بنیادی خرابیوں کے باعث مہنگائی کی شرح میں روز بہ روز اضافہ ہو رہا ہے۔ بجلی کا بحران‘ چینی کا بحران‘ آٹے کا بحران اور دہشت گردی و انتہا پسندی کے بڑھتے ہوئے سائے پورے ملک کو اپنی لپیٹ میں لئے ہوئے ہیں۔
قیام پاکستان کے 63ویں سال ہمیں جن مسائل کا سامنا ہے‘ اس سے نکلنے کی اگر کوئی صورت ہے تو وہ سادگی اور انتہائی سادگی کے سوا کچھ نہیں۔ ہمیں اپنی ضروریات زندگی محدود کرنا ہوں گی۔ اسلام کے بتائے ہوئے اصولوں کے مطابق زندگی بسر کرنا ہو گی۔ فی الوقت یہی کیا جا سکتا ہے کہ عید الفطر انتہائی سادگی سے منائیں۔ بیجا اخراجات سے گریز کریں۔ جن اشیا کی ضرورت نہیں‘ اُنہیں نہ خریدا جائے اور اپنے اہل خانہ کی طرح دوسروں کو بھی عید کی خوشیوں میں شریک کرنے کی حتی الوسع کوشش کی جائے۔

اللہ تعالیٰ جل جلالہ ہم سب کا حامی و ناصر ہو۔
اللہ تعالیٰ جل جلالہ ہمیں حقییقی خوشیوں سے نوازے۔
اللہ تعالیٰ جل جلالہ پاکستان کی حفاظت فرمائے۔
اللہ تعالیٰ جل جلالہ ہمارے حکمرانوں کے دل پھیر دے۔
اللہ تعالیٰ ہمیں صبر اور اپنی احکامات پر عمل کی توفیق عطا فرمائے

آمین ثم آمین