عید الفطر ہو یا عید الا ¿ ضحی اللہ کے یہ دونوں انعامات مسلمانو ں کے لئے خوشیوں کا پیغام لے کر آتے ہیں ۔یہ دونوں مواقع جہا ں مسلمانوں کے لئے خوشیوں اورمسرتوں کا پیغام لے کر آتے ہیں، مسلمانوں کو باہم شیر وشکر ہونے کا موقع فراہم کرتے ہیں وہیں مقام عبدیت پر فائز ہونے کا دائمی پیغام بھی پہنچاتے ہیں ۔دراصل عید کا اصل مقصد بھی اسی پیغام کا ادراک اور حصول ہے اس لئے کہ اگر مقصد کا ادراک نہ ہو تو بڑے بڑے کام بھی اپنی افادیت کھو بیٹھتے ہیں ۔
عید الفطر کاپیغام کیا ہے ؟
اسے سمجھنا کوئی مشکل نہیں ہے ۔
ہم نے رمضان المبارک میں اللہ کی اطاعت اور فرمانبرداری ، بندگی رب اور ادائے حقوق کے طر یقے سیکھے، ایک آدھ دن نہیں بلکہ پورے تیس دن بار بار یہی مشق دہراتے رہے اور اپنے رب کے سامنے بار بار اس بات کا اعادہ کرتے رہے ہیں کہ اے مالک تیر ے اشارے پہ ہم ہر گھاٹی کوعبور کرنے کو تیا ر ہیں ۔اے اللہ ہم تجھ سے محبت کرتے ہیں اور تیر ی محبت کا حصول تقوی کے بنا ممکن نہیں اور رمضان ہمیں متقی بنانے آیا ہے اور متقی وہی ہے جومقام عبدیت پر فائز ہو جائے ۔ اے اللہ تو ہمارے لئے مقام عبدیت پر فائز ہونے کی راہیں آسان بنا دے ۔اس لئے کہ یہ ساری عبادتیں اسی مقام پے فائز ہونے کی عملی مشق ہے ۔
یہ بات سمجھنی چاہیے کہ عید کا یہ پر مسرت موقع ہمیں عبد اور معبود کے حقوق کا در س دیتا ہے ۔ ہمیں یاد دلاتا ہے کہ دیکھو اللہ کی عبادت سے تمہیں اپنی زندگی میں اسی کے بتائے ہوئے طر یقوں کے مطابق عمل پیرا ہونے کا درس دیا گیا ہے ۔ آج کا دن تمھیں یہ بتاتا ہے کہ تمہیں اسی مالک کی بتائی ہوئی باتوں کو ناصر ف اپنے ہاں بلکہ پور ی دنیا کے انسانوں کوبتانی ہیں اس لئے کے تم عام آدمی نہیں ہو تمہیں اس خاص مقصد کا امین بنایا گیا ہے۔
اور جان لو کہ یہ مقصد صرف نئے کپڑے پہن لینے ، خوش زائقہ کھانے کھا لینے اور باہم گلے مل لینے سے حاصل نہیں ہوگا ۔ بلکہ اس کے لئے تمہیں اپنے رب کی بالکل اسی طر ح تابعداری کرنی ہے جس طرح ان تیس دنوں میں کی ہے ۔تیس یا انتیس دنوں کی مسلسل محنت کے بعد عید کا پر مسرت موقع ہم سے مطالبہ کرتا ہے کہ تجدید عہد وفا کریں اور قرآن کے مطلوبہ مسلمان کا عملی مظاہر بن کر دنیا کی قیادت اور رہنمائی کے اپنے گم گشتہ خزانے کو پھر سے ڈھونڈنے نکلیں۔
اللہ ہمار ا حامی و ناصر ہو ۔ امین