واپس چلیں   پاکستان کی آواز > خاص مواقع > عید منائیں پاک ڈاٹ نیٹ کے سنگ



عید منائیں پاک ڈاٹ نیٹ کے سنگ آو مل کر عید منائیں


لیکن خدا کو کیا ملا؟ از وسعت اللہ خان

short url
موضوع بند کر دیا گیا ہے
 
LinkBack موضوع کے اختیارات موضوع کی درجہ بندی ظاہری انداز
پرانا 09-11-11, 06:26 PM   #1
لیکن خدا کو کیا ملا؟ از وسعت اللہ خان
یاسر عمران مرزا یاسر عمران مرزا آن لائن ہے 09-11-11, 06:26 PM

قربانی کے مقصد اور اس کی روح کی طرف ایک عمدہ تحریر۔۔۔۔ضرور پڑھیے۔

روایت کے مطابق جب چار ہزار برس قبل خدا نے یہ دیکھ لیا کہ ابراہیم کی نیّت میں کوئی کھوٹ نہیں اور بیٹا بھی باپ کے فرمان پر قربان ہونے کے لیے دل سے آمادہ ہے تو خدا نے اس امتحان میں باپ اور بیٹے کو کامیاب قرار دیتے ہوئے قربانی کی علامت کے طور پر ایک مینڈھا چھری تلے بھیج دیا۔
ہر سال اس دنیا کے مسلمان دس کروڑ سے زائد جانور عیدالضحی کے تین دنوں میں قربان کرتے ہیں۔ان میں سے لگ بھگ پچاس لاکھ مینڈھے، بکرے، بیل، گائے اور اونٹ وغیرہ پاکستان میں زبح کیے جاتے ہیں۔آج کے حساب سے ان جانوروں کی خریداری پر پاکستانی شہری کم ازکم ایک کھرب روپے خرچ کرتے ہیں۔ مزید پندرہ ارب روپے قربانی سے جڑے لازمی ذیلی اخراجات اور محصولات کی مد میں شمار کر لیجئے۔ مزید دس ارب روپے شاپنگ اور دیگر متفرقات کی مد میں جوڑ لیجئے۔ یوں صرف عید الضحی کے تین دنوں کی معیشت پاکستان میں سوا کھرب روپے کی گردش پیدا کرتی ہے۔

عید الضحی پر ہر ایک کو کچھ نا کچھ مل جاتا ہے۔ٹرانپسورٹرز کو جانور ڈھونے کا منہ مانگا کرایہ، چُنگی اور بکرا پیڑھی کی انتظامیہ کو اپنی مرضی کا ٹیکس، جانور کے مالک کو دُگنی تگنی قیمت، پانی اور چارہ فروخت کرنے والوں کو منہ مانگے دام، چھریاں تیز کرنے والے کو ہر دھار کے الگ پیسے، قصائی کو وی وی آئی پی سٹیٹس، سیاسی و مذہبی گروہوں کو تحکمانہ اپیل کے عوض کھالیں، کلاشنکوف برداروں کو مفت کے جانور اغوا کرنے کا نادر موقع، ڈیپ فریزر، کوئلے اور بار بی کیو کے چولہے اور خدمات فراہم کرنے والوں کو مرضی کے پیسے، پیشہ ور بھکاری گروہوں کو اوجھڑی، گوشت اور سری پائے، صاحبِ حیثیت کو بیس لاکھ کا بیل یا تین لاکھ کا اونٹ یا اسی ہزار روپے کا لحیم شحیم بکرا خریدنے پر رشک و تعریف کے ڈونگڑے، بچوں کو قربانی کے جانور سجانے اور گلیوں میں دوڑانے کی مصروفیت اور سفید پوش ہمسائیوں اور رشتے داروں کو ایک یا دو وقت کے لیے خالص گوشت نصیب ہو جاتا ہے۔
لیکن اس سارے کاروبارِ قربانی میں سے خدا کو کیا ملتا ہے ؟

وہ خدا جس نے بار بار سمجھانے کی کوشش کی کہ اسے صرف پرہیز گاروں کی قربانی ہی قبول ہے۔ وہ خدا جو کہتا ہے کہ اسے جانور کے گوشت یا خون کی نہیں بلکہ قربانی کرنے والے کے اخلاص کی ضرورت ہے۔ وہ خدا جو کہتا ہے کہ رمضان کی آخری دس راتیں اس تک پہنچنے کے لیے اہم ہیں اسی طرح ذی الحج کے پہلے دس دن کے اعمال بھی اس کی قربت کے لیے اتنے ہی اہم ہیں۔
وہ خدا جس کی خواہش ہے کہ چھری جانور کی گردن پر بعد میں اور لالچی نفس پر پہلے چلے۔ مگر اتنی تکرار کے بعد بھی خدا کے ہاتھ کیا آتا ہے، کتنا آتا ہے اور کہاں سے آتا ہے؟

روزِ حساب جب میرا پیش ہو دفترِ عمل
آپ بھی شرمسار ہو، مجھ کو بھی شرمسار کر
( اقبال)
__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

 
یاسر عمران مرزا's Avatar
یاسر عمران مرزا
Senior Member
تاریخ شمولیت: May 2009
مقام: جدہ-سعودی عرب
مراسلات: 5,641
شکریہ: 9,614
4,227 مراسلہ میں 12,048 بارشکریہ ادا کیا گیا
مناظر: 161
پرانا 09-11-11, 06:29 PM   #2
Senior Member

 
فیصل ناصر's Avatar
 
تاریخ شمولیت: Dec 2007
مقام: کراچی
مراسلات: 17,523
کمائي: 298,193
شکریہ: 36,134
13,828 مراسلہ میں 40,302 بارشکریہ ادا کیا گیا
Default

ڈپلیکیٹ تھریڈ

لیکن خدا کو کیا ملا ؟
فیصل ناصر آف لائن ہے  
موضوع بند کر دیا گیا ہے

Tags
فروخت, کوشش, کلاشنکوف, پاکستان, پاکستانی, مفت, مقصد, متفرقات, مسلمان, اللہ, انتظامیہ, امتحان, اغوا, بچوں, خون, خان, خدا, دل, دنیا, رمضان, رشتے, سال, علامت, عمدہ, صرف


Currently Active Users Viewing This Thread: 1 (0 members and 1 guests)
 
موضوع کے اختیارات
ظاہری انداز Rate This Thread
Rate This Thread:


Similar Threads
موضوع موضوع شروع کیا فورم جوابات آخری مراسلہ
:::قران و سنت کے سایے میں ::: اللہ کی رحمت کی کیفیت اور وسعت کا کچھ اندازہ::: عادل سہیل اسلامی عقیدہ 9 21-06-10 10:52 PM
علاقائی زبانوں میں وسعت محمد الیاس تجاویز اور شکایات 3 16-12-09 08:54 PM
ایکچولی آپ ڈونٹ نو! (وسعت اللہ خان کا بی بی سی پر کالم ) shafresha گپ شپ 8 03-04-09 04:38 PM
کائنات کی وسعت آفرین بخت گپ شپ 2 09-09-08 11:37 AM
جنت کی وسعت میاں شاہد علوم حدیث 0 04-04-08 08:57 AM


تمام اوقات پاکستانی معیاری وقت ( +5 GMT) کے لحاظ سے ہیں۔ ابھی وقت ہے 02:32 AM

Powered by vBulletin® Copyright ©2000 - 2012, Jelsoft Enterprises Ltd.
Content Relevant URLs by vBSEO
جملہ حقوق نشرو اشاعت ©2000 - 2012,پاکستان کی آواز - پاکستان کے فورمزکی انتظامیہ کے پاس مخفوظ ہیں۔ ہم اردو ترجمے کے لیے جناب زبیرکے مشکور ہیں-
اپنا بلاگ مفت حاصل کریں wordpress.pk
ہم pak.net ڈومین نیم کے لیے جناب فاروق سرور خان کے مشکور ہیں

Template-Modifications by TMS
vBCredits v1.4 Copyright ©2007 - 2008, PixelFX Studios
Ad Management plugin by RedTyger