شکاری

غیب کی خبریں بتانے یا ان پر اطلاع پانے اور عالم الغیب ہونے یا جمیع ماکان و مایکون کا علم حاصل ہونے میں‌ بہت فرق ہے۔ اس موضوع پر تفصیلاً طرفین کے علمائے کرام بہت کچھ لکھ چکے ہیں۔ ہمارا موقف جاننے کے لئے یہاں‌ایک مفصل مضمون کا مطالعہ کیجئے۔

مسئلہ علم غیب پر چند مغالطے اور ان کی وضاحتیں

__________________
نہیں، اے محمدؐ، تمہارے رب کی قسم یہ کبھی مومن نہیں ہوسکتے جب تک کہ اپنے باہمی اختلافات میں یہ تم کو فیصلہ کرنے والا نہ مان لیں،پھر جو کچھ تم فیصلہ کرو اس پر اپنے دلوں میں بھی کوئی تنگی نہ محسوس کریں، بلکہ سر بسر تسلیم کر لیں۔ [النساء: 65]

ابرارحسین

میں‌اپنا موقف پہلے بتا دوں‌کہ مجھے اس بات سے کوئی غرض‌نہیں‌کہ نبی پاک ﷺ کو اللہ تعالیٰ نے کتنا علم غیب دیا ، ہاں یہ ضرور ہے کہ علم غیب دیا گیا ، کتنا ؟ یہ لینے والا جانے یا دینے والا ۔ نہ دینے والے نے تفصیل دی نہ لینے والے لے ۔ ہاں بقدر ضرورت ظاہر کرتے رہے۔
آپ نے جودعوی پیش کیا ہے کہ ’’تمام کائنات کے علوم عطا فرمائے‘‘ تو یہ تو اوپردی گئی آیات میں کہیں بھی نہیں ہے ، پھر آپ نے یہ دعوی کیسے پیش کر دیا؟

شکاری

محترم، علم غیب نہیں‌دیا گیا۔ غیب کی خبریں‌دی گئی ہیں۔ ان دونوں میں‌فرق سمجھ لیا جائے تو اس مسئلے کی کلید ہاتھ آ جاتی ہے۔ اور ان غیب کی خبروں کے بارے میں بھی بتا دیا گیا ہے کہ اللہ کے نبی صلی اللہ علیہ وسلم کو جو غیب کی خبریں‌دی گئی ہیں، وہ بخیل نہیں‌تھے کہ ان خبروں کو چھپا چھپا کر رکھتے۔ بلکہ فیاضی سے اللہ کے رسول صلی اللہ علیہ وسلم نے وہ خبریں‌امت تک پہنچا دی ہیں۔ واللہ اعلم!

مفتی

بھیا جی غرض اُس اُمتی کو کیونکر ہو جو کھوکھلا دعوے دار ہے ، جو قرآن کو نا مانے اُس کی کھلی کھلی آیتوں کا انکار کرے اور جوں ہی سرکارِ دو عالم صلی اللہ علیہ وسلم کی شان پڑھی چہرہ بدل گیا اور جس اللہ (عزّوجل) اور نبی (صلی اللہ علیہ وسلم) کا کلمہ پڑھنے کا دعویدار انہیں سے اظہارِ بغض شروع ۔
کیا ایک اُمتی کو اپنے نبی (صلی اللہ تعالٰی علیہ وسلم) کی اُس شان کو جو اللہ (عزّوجل) نے بیان فرمائی اُس سے خوش نہیں ہونا چاہیئے کہ اللہ (عزّوجل) نے میرے نبی (صلی اللہ علیہ وسلم) کو کتنی شانیں ،عظمتیں اور اعلٰی مقام عطا فرمائے ہیں ، اللہ (عزّوجل) کا پیارے نبیء محترم کو عزّتیں عطا فرمانا بھی اللہ (عزّوجل) کا اظہارِ قدرت ہے جس کا حقیقی اُمتی کو ماننا اللہ (عزّوجل) کی شانِ قدرت کا اعتراف ہے

اب آپ بتائیے کہ (معاذاللہ) حضور (صلی اللہ علیہ وسلم) کو کن کن باتوں کا علم نہیں ہے
اللہ (عزّوجل) فرماتا ہے
اللّٰہ نے تم پر کتاب اور حکمت اتاری اور تمہیں سکھادیا جو کچھ تم نہ جانتے تھے اور اللّٰہ کا تم پر بڑا فضل ہے ۔
اِس "اور تمہیں سکھادیا جو کچھ تم نہ جانتے تھے " میں اللہ تبارک و تعالٰی نے ان بھٹکے ہوئے لوگوں باطل عقیدے کو ظاہر فرمادیا تاکہ ایمان والوں کو کوئی غلط فہمی نہ رہے اور اس بات سے پہلے یہ بھی فرمایا "اللّٰہ نے تم پر کتاب اور حکمت اتاری"
اب اس کتاب کے متعلق فرمانِ خُدا پڑھ لیجئے

وَ نَزَّلْنَا عَلَیۡکَ الْکِتٰبَ تِبْیَانًا لِّکُلِّ شَیۡءٍ وَّ ہُدًی وَّ رَحْمَۃً وَّ بُشْرٰی لِلْمُسْلِمِیۡنَ (النحل 89)
اور ہم نے تم پر یہ قرآن اتارا کہ ہر چیز کا روشن بیان ہے اور ہدایت اور رحمت اور بشارت مسلمانوں کو