عبدالقدوس

اداکارہ لیلیٰ اور اسکے بھائی کے سسرال میں مصالحت ہو گئی
لاہور (کلچرل رپورٹر) اداکار لیلیٰ اور ان کے بھائی چاند کے سسرال کی فیملیز کے درمیان مصالحت ہو گئی ہے ۔ لیلیٰ کے بھائی چاند نے پشاور کی ایک لڑکی حلیمہ مسعود سے پسند کی شادی کی تھی ۔حلیمہ کے والدین نے اس شادی پر اعتراض کیا تھا جس سے لیلیٰ اور حلیمہ کے خاندان کے درمیان تنازع شروع ہو گیا تھا اور نوبت پولیس تک پہنچ گئی تھی۔ اب لیلیٰ کی بھابھی حلیمہ کے والدین نے چاند کو اپنا داماد تسلیم کر لیا ہے اس کے بعد دونوں خاندانوں میں بھی مصالحت ہو گئی ہے ۔ حلیمہ اور چاند لاہور میں پرسکون زندگی گزار رہے ہیں ۔ لیلیٰ نے بتایا کہ میرے بھائی نے اگرچہ حلیمہ سے اپنی چاہت اور شادی کو ہم سے چھپائے رکھا تھا لیکن چاند کو داماد تسلیم کرنے کے بعد ہماری اس کے سسرال سے کسی قسم کی کوئی رنجش اور ناراضگی نہیں رہی۔ وہ ہمارے لئے قابل احترام ہیں۔ حلیمہ میری پیاری بھابی ہیں۔ میں زندگی بھر اس رشتہ کو پیار سے نبھاؤں گی ۔ ایک سوال پر لیلیٰ نے بتایا کہ عید کے بعد میں چاند کی شادی کی خوشی میں تقریب کا اہتمام کرنے کا پروگرام بنا رہی ہوں جس میں عزیز و اقارب کے علاوہ میرے ساتھی اداکار اور اداکارائیں بھی شریک ہوں گی ۔

__________________