عبدالقدوس

ممبئی (جنگ نیوز ) پروڈیوسر روی چوپڑا اپنی فلم ”بھوت ناتھ “میں اداکار امیتابھ بچن اور شاہ رخ خان کو ساتھ سائن کر کے پریشان ہو گئے ہیں ۔ تفصیلات کے مطابق روی چوپڑا کو امیتابھ بچن اور شاہ رخ خان کے درمیان سرد جنگ جاری رہنے کی وجہ سے انکی ایک ساتھ تاریخیں حاصل کرنا بہت مشکل ہو گیا ہے اور فلم کیلئے ایک مہنگا سیٹ ممبئی کے محبوب اسٹوڈیو میں کئی مہینوں سے بغیر استعمال کے تیار ہو کر دھول چاٹ رہا ہے ۔ روی چوپڑا نے شاہ رخ کی فلم ”اوم شانتی اوم “کی لاؤنچنگ والے دن شوٹنگ کیلئے امیتابھ کی تاریخیں حاصل کر لیں لیکن بعد میں شوٹنگ ملتوی کر نا پڑی ۔ جب امیتابھ اپنی تاریخیں دے دیتے ہیں تو شاہ رخ نہیں دیتے اور جب شاہ رخ دیتے ہیں تو امیتابھ کوئی نہ کوئی بہانہ بنا دیتے ہیں ۔ دونوں اداکاروں نے اس فلم میں اپنے الگ الگ سین کی شوٹنگ کر لی ہے لیکن مشترکہ سین کیلئے ایک دوسرے کا سامنا کرنے سے وہ بچتے پھر رہے ہیں ۔

__________________