محمدعدنان

اکشے کمار ویسے بھی آج کل اونچائیوں پر ہیں لیکن آئیفا میں ان کے جلوے کچھ اور تھے۔ دس منٹ کے ایک ڈانس کے لیے انہیں ڈھائی کروڑ روپے دیے گئے۔۔۔۔کیوں؟۔۔۔وہ اس لیے کہ آئیفا میں ان کے علاوہ بھیڑ کو اکٹھا کرنے والا اور کوئی اول درجے کا ہیرو تھا ہی نہیں۔

نہ تو شاہ رخ سلمان اور نہ سیف۔ ویسے ایک بات سمجھ میں نہیں آئی۔امیتابھ بچن جو کہ آئیفا کے برانڈ سفیر ہیں انہوں نے اپنی تقریر میں کہا کہ آئیفا ایسا پلیٹ فارم ہے جو دنیا کو انڈین فلم انڈسٹری سے روشناس کراتا ہے اور انہیں قریب لانے میں معاون ثابت ہوا ہے۔

امیت جی وہ تو ٹھیک ہے کہ آپ دنیا کو قریب لا رہے ہیں لیکن قریب رہنے والوں کو تو دور مت کیجیے۔ہمیں یقین ہے آپ ہمارا اشارہ سمجھ گئے ہوں گے۔۔۔۔۔

__________________

عبدالقدوس