خرم شہزاد خرم

بھارتی فلم ”ویلکم“پاکستانی پنجابی فلم ”شیراں دی جوڑی “کا چربہ نکلی



لاہور (جنگ نیوز) حال ہی میں ریلیز ہونیوالی بھارتی فلم ”ویلکم“ پاکستان کی پرانی پنجابی فلم ”شیراں دی جوڑی“ کی کہانی کا چربہ نکلی ۔ تفصیلات کے مطابق بھارتی فلم ”ویلکم“جس میں اداکار فیروز خان ، انیل کپور اور نانا پاٹیکر جیسے فنکاروں نے کام کیا ہے،اپنی کمزور کہانی اور میوزک کے باعث بھارت میں بری طرح فلاپ ہو گئی ہے ۔ جبکہ یہ فلم پاکستان میں بھی ریلیز ہونا تھی جو کسی ناگزیر وجوہات کی بنا پر ریلیز نہ ہو سکی مگر کیبل کے ذریعے پورے پاکستان میں دیکھائی جا رہی ہے ۔ فلم کی کہانی پاکستان کی ایک پرانی پنجابی فلم ”شیراں دی جوڑی “کی کاپی ہے ۔ پاکستان فلم انڈسٹری کے حلقوں نے ”ویلکم“ پر تبصرہ کرتے ہوئے کہا کہ اسکرپٹ کا بحران بھارت میں بھی پیدا ہو چکا ہے اور اب وہ ہماری تیس برس پرانی فلموں کی کہانیوں کو ردو بدل کر کے سرعام چربہ سازی میں ملوث ہو رہے ہیں ۔

اکرام

جناب اس لے تو کہتے ہیں کبھی کے دن پرے کبھی کی راتیں ۔ پاکستان فلم انڈسٹری بھی کبھی اسی بحران کا شکار رہی ہے