عبدالقدوس

لاہور (کلچرل رپورٹر) اداکار ہ وینا نے کہا ہے کہ فلموں اور ٹی وی کے ساتھ ماڈل کی حیثیت سے بھی میری مصروفیات میں اضافہ ہو رہا ہے۔ ایک ملٹی نیشنل ادارے کی پروڈکٹ کی کمرشل فلم کی ریکارڈنگ میں حصہ لینے کے لئے ملائیشیا روانگی سے قبل ”جنگ“ سے گفتگوکرتے ہوئے وینا نے بتایا کہ ایک ملٹی نیشنل ادارے کے ساتھ میرا ایک سال کا معاہدہ طے پایا ہے اس ادارے کی بین الاقوامی اہمیت کی حامل پروڈکٹ کی ریکارڈنگ کے لئے ملائیشیا جا رہی ہوں، یہ ریکارڈنگ ایک ہفتہ جاری رہے گی ۔ کمرشل فلموں کا عالمی شہرت یافتہ یونٹ کیمروں اور دیگر ساز و سامان کے ساتھ یہ ریکارڈنگ مکمل کرے گا۔ وینا نے بتایا کہ اس ملٹی نیشنل ادارے کے علاوہ مجھے دوسرے مختلف اداروں کی طرف سے بھی کمرشل فلموں میں ماڈلنگ کی آفرز ہیں، ان پر میں سنجیدگی سے غور کر رہی ہوں ۔ انہوں نے کہا کہ آج کے دور میں ماڈلنگ فلموں اور ٹی وی کی اداکاری سے زیادہ اہمیت حاصل کر چکی ہے۔ میری کوشش ہو گی کہ میں فلم ٹی وی اور ماڈلنگ کو یکساں وقت دوں ۔ وینا نے بتایا کہ محبتاں سچیاں کے بعد مجھے اردو اور پنجابی کی مختلف فلموں کی آفرز ہو رہی ہیں، ان میں سے کسی کا انتخاب احتیاط سے کرنا چاہتی ہوں تاکہ محبتاں سچیاں سے حاصل کریڈٹ متاثر نہ ہو ۔

__________________