عبدالقدوس

لاہور (کلچرل ڈیسک) ہالی ووڈ فلم اینڈ ٹیلی ویژن رائٹرز یونین نے معاوضہ میں اضافہ کیلئے ہڑتال کے حق میں فیصلہ دیدیا ہڑتال کا فیصلہ گزشتہ جمعرات کو ہونے والی پولنگ میں ہوا جس میں یونین کے پانچ ہزار سے زائد ووٹروں نے حصہ لیا اور اس سلسلہ میں امریکہ اور لاس ویگاس کی رائٹرز گلڈ کے اراکین نے بھی حصہ لیا۔ 90فیصد ووٹروں نے ہڑتال کے حق میں فیصلہ دیا۔ واضح ہو کہ فلم اور ٹیلی ویژن رائٹرز کاموقف ہے کہ اآئندہ برس کے کنٹریکٹ میں نہ صرف ان کے معاوضوں میں اضافہ کیا جائے بلکہ فلمیں اور ٹی وی ڈراموں کو رائلٹی اس وقت بھی دی جائے جب دنیا بھر میں ان کی سی ڈیز کے رائٹ فروخت کئے جاتے ہیں اور انہیں انٹرنیٹ پر بھی جاری کیا جاتا ہے ہالی ووڈ فلم اینڈ ٹی وی رائٹرز یونین کے عہدیداروں نے کہا کہ ان کا ارادہ معاوضوں میں کے حصول کیلئے ہڑتال کرنے کا قطعی نہیں تھا تاہم وہ 90فیصد ووٹرز کی طرف سے ہڑتال کے حق میں ہونے والے فیصلے کے بعد ہڑتال کرنے پر مجبور ہیں۔ یہاں پر یہ امر قابل ذکر ہے کہ پاکستان میں بھی فلم رائٹرز ایسوسی ایشن موجود ہے تاہم یہ ایسوسی ایشن محض سالانہ چندہ جمع کرنے تک محدود ہے اور اس نے کبھی معاوضوں میں اضافہ یا رائلٹی کے لئے ہڑتال نہیں کی بلکہ پچھلے چند سالوں سے فلم رائٹرز ایسوسی ایشن قطعی طور پر غیرفعال ہو چکی ہے۔

__________________