gorgeous

فلم "تارے زمین پر" میں اپنی بہترین اداکاری سے فلم بینوں کے دل جینتے والے چائلڈ سٹار درشیل سفاری کے بارے میں بالی ووڈ کے ممتاز ہدایتکارپریا درشن کا کہنا ہے کہ درشیل بالی ووڈ کے متعدد سپر سٹارز سے بہترین اداکار ہے۔ زرائع کے مطابق پریا درشن نے درشیل سفاری کو اپنی نئی فلم "بم بم بولے" میں کاسٹ کیا ہے ۔ درشیل سفاری کی تعریف کرتے ہوئے ان کا کہنا تھا کہ وہ اپنے کردار کو نبھانے کا فن اچھی طرح جانتے ہیں، ان کی نہ صرف پرفارمنس بلکہ باڈی لینگوئج بھی بالی ووڈ کے معتدد سپر سٹارز سے بہتر ہے ۔ درشیل کی بہترین کارکردگی کا سہرا عامر خان کے سر باندھتے ہوئے پریا درشن کا یہ بھی کہنا تھا کہ عامر نے درشیل کو ایسا اداکار بنا دیا ہے کہ ان کو کچھ سمجھانے کی ضرورت ہی نہیں پڑتی۔ واضح رہی کہ "بم بم بولے " ایرانی فلم" چلڈرن آف ہیون" سے متاثر ہو کر بنائی جا رہی ہے ۔ جسے جلد ریلیز کے لیے پیش کر دیا جائے گا۔