السلام علیکم ورحمتہ اللہ و برکاتہ

کیسے اللہ نے بنائے رات دن
کیسی حِکمت سے سجائے رات دن
صبح آئی تو اجالا آ گیا
شام آئی تو اندھیر چھا گیا
دن ہوا تو لوگ سارے جاگ اٹھے
رات آئی چاند تارے جاگ اٹھے
دن بنا ہے کام کرنے کے لئے
رات ہے آرام کرنے کے لئے
کوئی ہو، انسان یا حیوان ہو
جانور ہو یا کوئی بے جان ہو
رات اُن کے ڈھنگ ہی کچھ اور ہیں
رات اُن کے اور ہی کچھ طور ہیں
دن ہوا ، سب کام کرنے لگ گئے
شب ہوئی آرام کرنے لگ گئے

(صوفی تبسّم)

__________________