پیارے بچوں مجھے ٹیلی وژن کہتے ہیں۔ آج میں آپ کو اپنے بارے میں کچھ بتلاتا ہوں۔
مجھے بنانے کی کوششیں تو 1873 سے کی جارہی تھی مگر موجودہ شکل میں بنانے کا کارنامہ اسکاٹ لینڈ کے ایک سائنسدان جون لوگی بائرڈ (John Logie Baird) نے سرانجام دیا۔ بائرڈ نے 2 اکتوبر 1925 کو پہلی مرتبہ مجھے عوام کے سامنے پیش کیا۔ اُس وقت میں ایک سیکنڈ میں صرف بارہ تصاویر ہی دیکھا سکتا تھا۔

آخرکار 1934 میں جرمنی کی ایک کمپنی نے مجھے عام لوگوں کی فروخت کے لیئے پیش کیا۔ پہلے پہل میرا وزن بہت ذیادہ ہوتا تھا اور مجھ میں نظر آنے والی تصاویر کالی اور سفید ہوتی تھی اور نا ہی مجھ میں سے کوئی آواز آتی تھی۔ میری قیمت بھی بہت ذیادہ ہوتی تھی ہر شخص مجھے خرید نہیں سکتا تھا، لیکن پھر بھی لوگ مجھے خریدنا چاہتے تھے۔

آہستہ آہستہ سائنسدان مجھ میں تبدیلیاں لاتے رہے اور میرے وزن میں کمی ہوتی گئی۔ میری شکل بھی تبدیل ہونے لگی، پھر مجھ میں سے آوازیں بھی آنے لگیں۔ لوگ میرے عادی ہوتے چلے گئے اور میں مشہور ہونے لگا۔
1954 میں پہلے کلر کیمرے کی ایجاد کے بعد میں رنگین تصاویر دیکھانے کے قابل ہوگیا، پھر تو لوگ میرے دیوانے ہوگئے اور میں ہر گھر میں نظر آنے لگا۔

پاکستان میں میری آمد 1964 میں ہوئی۔ یہاں کے لوگوں نے میرا پرجوش استقبال کیااور جلد ہی میں اپ لوگوں کی گھر کی ذینت بننے لگا۔ ناصرف بڑے بلکے بچے بھی مجھے پسند کرنے لگے۔ پہلے پہل صرف ایک ہی ٹی وی اسٹیشن ہوتا تھا اب پاکستان میں تقریبا 70 سے ذیادہ ٹی وی اسٹیشن ہیں اور بعض تو محض بچوں کے لیے ہی ہیں۔

سٹیلائٹ کی آمد کے بعدچینلز کے تعداد بھی بڑھ گئی اور دیکھنے والے ناظرین اب گھر بیٹھے میرے ذریعے پوری دُنیا کی سیر کرسکتے ہیں۔ گویا پوری دُنیا محض آپ کے ریموٹ کنٹرول کے اندر سما گئی ہو۔

آپ لوگ میرے ذریعے اپنے پسندیدہ کارٹون، کوئز پروگرام ، ہنسی مذاق کے پروگرام، اور دلچسپ فلمیں دیکھتے ہیں۔ گھر کے بڑے میرے ذریعے خبروں سے باخبر رہتے ہیں اور معلوماتی پروگرام دیکھتے ہیں۔ گھر بھر کی خواتین بھی مجھے پسند کرتیں ہیں اور میرے ذریعے اپنی پسند کے ڈرامے دیکھتی ہیں۔

پیارے بچوں سائنس کی ترقی کے ساتھ ساتھ اب میری شکل اور بھی تبدیل ہوگئی ہے۔ اب پہلے سے بھی ذیادہ ہلکا ہوگیا ہوں یقینا آپ سمجھ گئے ہوں گے میں ایل سی ڈی ٹی وی کی بات کررہا ہوں۔نت نئی تبدیلیوں کے باوجود میں اب بھی سب کی نگاہوں کا مرکز ہوں اور ہر گھر میں شوق سے مجھے دیکھا جاتا ہے۔

پیارے بچوں جہاں میرے اتنے فوائد ہیں وہاں کچھ نقصانات بھی ہیں۔ مجھے قریب سے دیکھنے سے آپ کی آنکھیں کمزور ہو سکتی ہیں۔ تیز آواز کے ساتھ مجھے سننے سے آپ کے کان متاثر ہوسکتے ہیں۔ رات دیر تک مجھے دیکھنے سے آپ کی صحت بھی خراب ہوسکتی ہے۔ لہذا میری آپ سے گذارش ہے کہ مجھے اپنے والدین کی اجازت سے مخصوص وقت میں ہی دیکھا کریں اور امتحانات کے دنوں میں اپنی ساری توجہ پڑھائی پر مرکوز رکھا کریں ۔