خرم شہزاد خرم

آزاد خیال ادبی فورم کا اجلاس، بینظیرکی شہادت پر اظہار تعزیت



کراچی(پ ر) آزاد خیال ادبی فورم کے زیر اہتمام ایک خصوصی اجلاس میں پیپلز پارٹی کی چیئرمین اور ملک کی نامور سیاستداں بے نظیر بھٹو کی شہادت پر انتہائی رنج کا اظہار کرتے ہوئے واقعے کی مذمت کی گئی ہے۔ اجلاس میں قرار داد منظور کی گئی جس میں ادیبوں اور شاعروں سے اپیل کی گئی ہے کہ وہ ایک کمیونٹی کی صورت میں خود کو سول سوسائٹی کا حصہ بنائیں اور سیاست میں تشدد کے رجحان اور دیگر قومی معاملات کے سنگین پہلوؤں سے عوام کو اپنی تخلیات کے ذریعے آگاہ کریں اور ان مسائل کے خلاف قومی سوچ پیدا کرنے میں اپنا مئوثر کردار ادا کریں۔ اجلاس کی صدارت سرور جاوید نے کی جنہوں نے کہا کہ شاعر اور ادیب مسائل سے آگاہی حاصل کیے بغیر ادبی تخلیق کا حق ادا نہیں کر سکتے۔ اجلاس میں قرار داد کو متفقہ طور پر منظور کرنے والوں میں جو اہل ادب شریک تھے ان میں صادق مدہوش ، حسن سلیم، احمد امتیاز، احمد صغیر صدیقی، فیاض علی، ثاقب انجان، نور محمد شیخ، حجاب عباسی ، حامد علی سید، اختر عبدالرزاق، انجم جاوید، پروین حیدر، حمیرا راحت، مسرت افزا روحی، سحر علی، م م مغل، خیام قادری، ریحان رامش، نشاط غوری، عظمیم انصاری، توقیر تقی، مقبول زیدی، میاں سعید غلام محی الدین قریشی، منصور سمیر، شکیل احمد، عمران نرمی شامل تھے۔ اجلاس میں محترمہ بے نظیر بھٹو کے لیے دعائے مغفرت بھی کی گئی۔