عبدالقدوس

کراچی (اسٹاف رپورٹر) نگراں صوبائی وزیر ثقافت و سیاحت امبر رضا نینسی نے کہا ہے کہ شاعر اور ادیب معاشرے کی تشکیل میں اہم کردار ادا کرتے ہیں اور ادب بچھڑے ہوئے لوگوں کو ملاتا ہے اور بجھے ہوئے چراغ جلاتا ہے ان خیالات کا اظہار انہوں نے اکیڈمی ادبیات کے چیئرمین افتخار عارف سے اپنے دفتر میں ملاقات کے دوران کیا۔ امبر رضا نے کہا کے حکومت شاعروں، ادیبوں اور قلم کاروں کی فلاح وبہبود کیلئے بھرپور اقدامات کر رہی ہے اور معاشرے میں انکاجائزہ مقام اور عزت جس کے وہ مستحق ہے دلانے کیلئے ہرممکن کوششیں کر رہی ہے اور ان کی پذیرائی نہ صرف حکومتی سطح پر کی جا رہی ہے بلکہ بین الاقوامی سطح پربھی کی جا رہی ہے صوبائی وزیر نے مزید کہا کہ شاعر اور ادیب معاشرے کی اصلاح اور امن وامان کے پائیدار قیام کیلئے نہایت اہم کردار ادا کرسکتے ہیں لہٰذا ہمیں اپنے شاعروں اور ادیبوں کی زندگی ہی میں قدر کرنی چاہئے۔ اس موقع پر صوبائی وزیر نے گورنر سندھ ڈاکٹر عشرت العباد کی جانب سے 5لاکھ کا چیک افتخار عارف کو ان کی ادبی خدمات کو سراہتے ہوئے پیش کیا۔

__________________