عبدالقدوس

لاہور (کلچرل ڈیسک) ماڈل و اداکارہ ماہا نے کہا ہے کہ میں ورسٹائل فنکارہ کی حیثیت سے خود کو منوانا مشکل ہے لیکن اس ٹارگٹ کو اچیو کرکے رہوں گی۔ ماہا نے کہا کہ میں نے تھیٹر سے اپنے فنکارانہ کیریئر کا آغاز کیا تھا لیکن اب ٹیلی ویژن ڈراموں اور فلموں میں بھی اپنی فنکارانہ صلاحیتوں کا مظاہرہ کروں گی۔ انہوں نے کہا کہ میں سمجھتی ہوں شوبز میں آنے کے بعد صرف ٹی وی سٹیج یا فلموں تک محدود نہیں رہا جا سکتا بلکہ تمام شعبوں میں اپنی فنکارانہ کارکردگی کا مظاہرہ کرکے ورسٹائل فنکار کی حیثیت سے شناخت قائم کرنی چاہئے۔ ماہا نے کہا کہ میں نے اپنی فنکارانہ کارکردگی کی بناء پر تمام شعبوں میں کام کرنے کا فیصلہ کیا ہے اور وہ دن دور نہیں جب میری شہرت کے ڈنکے چاروں طرف ہونگے۔ ایک سوال کے جواب میں ماہا نے کہا کہ الیکٹرانک میڈیا نے پوری دنیا کے فنکاروں کو ایک برادری بنا کر رکھ دیا ہے۔ اس لئے میں نے اس کڑے امتحان میں سے گزرنے کا فیصلہ کرتے ہوئے آگے بڑھنا شروع کر دیا ہے انہوں نے کہا کہ اس سے اچھی بات اور کیا ہو سکتی ہے کہ اب انڈین فنکار ہماری فلموں میں اور ہمارے فنکار انڈین فلموں میں کام کر رہے ہیں۔ میں بھی انڈین فلموں میں کام کرنا پسند کرونگی۔

__________________