محمدعدنان

’دنیا کے بدترین شاعر‘ کہے جانے والے ولیم میک گونیگل کی نظمیں اِیڈنبرا میں ہونے والی ایک نیلامی میں 6600 پونڈ میں نیلام ہوئی ہیں۔
ولیم میک گونیگل کی پینتیس نظمیں، جن میں سے زیادہ تر پر اُن کے دستخط بھی موجود ہیں جمعہ کو ہونے والی نیلامی میں رکھی گئیں۔

ان نظموں کے مجموعے ’دی ٹے سائیڈ ٹریجڈین‘ کی قیمت ہیری پوٹر کے ابتدائی ایڈیشنوں سے بھی زیادہ لگی جن پر اس سیریز کی مصنفہ جے کے رولنگ کے دستخط ہیں۔

1902 میں انتقال کرنے والے میک گونیگل کے بارے میں کہا جا تا ہے کہ جب وہ ڈنڈی میں اپنی شاعری سناتے تھے تو اُن کا بہت مذاق اُڑایا جاتا تھا اور لوگ پر کھانے پینے کی چیزین پھینکتے تھے۔ لوگ اُن سے صرف اِس لیے نظمیں پڑھنے پر اصرار کرتے تھے کہ وہ اُن کا مذاق اُڑا سکیں۔

میک گونیگل 1825 میں اِیڈنبرا میں پیدا ہوئے تھے لیکن اُن کا زیادہ تر وقت ڈنڈی میں گزرا تھا۔ انہوں نے سینتالیس برس کی عمر میں شاعری شروع کی تھی اور ان کی نظموں کے مضامین عام طور پر سکاٹش جنگوں اور ملکہ وکٹوریا کی گولڈن جوبلی کے اردگرد گھومتے ہیں۔

اُن کی سب سے مشہور نظم سنہ 1879 کے ’ٹے بِرج ڈزاسٹر‘ کے بارے میں تھی۔ لیان اینڈ ٹرنبل نامی نیلام گھر کے ایلکس ڈو کے مطابق ’میکگونیگل ایک ایسے شریف انسان تھے جن کے خیال میں ان کا کام بہترین تھا‘۔

__________________

The Great

اچھا لکھا ھے اپ نے جناب۔

محمدخلیل

اس کا مطلب ہے کہ میں بھی لکھنا شروع کروں