خرم شہزاد خرم

کراچی (اسٹاف رپورٹر) سوئی سدرن گیس (ایس ایس جی سی) آل پاکستان دلوش بلوچ یادگاری فٹبال ٹورنامنٹ میں سندھ گورنمنٹ پریس کو 1-3 سے شکست دیکر سیمی فائنل میں پہنچ گئی۔ جام الیون فٹبال اسٹیڈیم میں جاری ٹورنامنٹ کے تیسرے کوارٹر فائنل میچ میں ایس ایس جی سی نے سندھ گورنمنٹ پریس کو ایک کے مقابلے میں تین گول سے شکست دیدی۔ میچ کے پہلے ہاف میں فاتح ٹیم 2گول سے جیت رہی تھی پہلا گول 31منٹ میں نور علی نے کیا جبکہ ایک منٹ بعد فاتح ٹیم کی طرف سے دوسرا گول عاصم فیض نے بنایا۔ دوسرے ہاف کے شروع ہوتے ہی سندھ گورنمنٹ پریس کی ٹیم نے حملہ شروع کیا۔ 53منٹ میں الیاس کاسی نے گول بناکر خسارہ کم کیا۔ 58منٹ میں ایس ایس جی سی کے عاصم فیض نے اپنی ٹیم کی طرف سے تیسرا گول کیا۔ ناکام ٹیم نے سرتوڑ کوشش کی لیکن بال جال تک پہنچانے میچ کامیاب نہ ہوسکی۔ ریفری۔ ابرار ، شاہنواز اورخالد ممتاز، میچ کمشنر استاد حمید تھے۔ چند ناگزیر وجوہات کی بنا پر کچھ دن ٹورنامنٹ کے میچز نہیں ہونگے۔

__________________