wajee

زیتون کا تیل ہو یا زیتون دونوں مزیدار ہیں۔ کھانا اگر زیتون کے تیل میں پکایا جائے تو یہ نہ صرف رگوں کا صاف رکھتا ہے بلکہ آپ کی جلد کی خوبصورتی میں بھی اضافہ کرتا ہے۔

یونان میں لوگ زیتون کے تیل سے نہانے کے عادی تھے۔ یہ اسے بطور ایک خصوصی صابن کے استعمال کرتے تھے جس سے ان کی تمام گندگی نکل جاتی تھی۔ چودہ سو سال پہلے حضورّ نے اپنے صحابیوں کو ہدایت کی کہ زیتون کے تیل کو اپنے جسم میں لگائیں۔

مغرب میں بیوٹی پروڈکٹس میں زیتون کے تیل کا استعمال لازمی تصور کیا جاتا ہے جیسے لپ بام، شیمپو، بہانے کا تیل، ہاتھوں کا لوشن، صابن، نیل پالش، مساج آئل، خشکی سے بچاوَ کے اجزاء وغیرہ۔

کیا چیز ہے جس کی وجہ سے زیتون کا تیل جلد کے لیے اچھا تصور کیا جاتاہے؟ اس کا مالیکیول اسٹرکچر جس کی وجہ سے جلد کے مسام بند نہیں ہوتے ہیں۔ یہ واحد سبزیوں کا تیل ہے جو کہ آپ کی جلد کو سانس لینے کی آزادی دینا ہے۔

لیجَے استعمال کریں ان چند دلچسب توٹکوں کو جن کے ذریعے سے آپ اپنی جلد میں ایک چمک اور تازگی پیدا کر سکتے ہیں۔

سدا جوان جلد کے لیے

خشک جلد میں نمی پیدا کرنے کے لیے زیتون کو تیل کو براہ راست خشک متامات پر لگائیں۔ زیتون کے تیل اور ملتانی مٹی کو ملا کر ایک ماسک بنائیں۔ اسے چہرے پر پانچ منٹ کے لیے سوکھنے دیں اور جلد ہی آپ کے سامنے اس کا نتیجہ آ جائے گا۔

ناخنوں کی چمک کے لیے

اگر آپ کے ناخن کٹے پھٹے اور خشک ہیں ان میں چمک بھی نہیں تو آپ کی مدد صرف اور صرف زیتون کا تیل کر سکتا ہے۔ ہلکے نیم زیتون کے تیل میں اپنے ناخن تیس منٹ تک ڈبوئیں آپ کو یقینا ایک حیرت انگیز تبدیلی محسوس ہو گی۔

خوبصورت ہا تھوں کے لیے

رات کو سونے سے پہلے جسم پر تھوڑا سا زیتون کا تیل لگالیں اور روئی سے صاف کر لیں۔ صبح آپ دیکھیں گے کہ آپ کی جلد کتنی نرم و ملائم ہو گی۔

پیروں کے لیے

زیتون کا تیل آٹھ چمچہ اور پانچ قطرے لیونڈر کے تیل کے ملائیں۔ رات کو سونے سے پہلے اس سے پیروں کا مساج آپ کو ایک سکون کے احساس کے ساتھ آرام بھی ملے گا اور حیرت انگیز طور پر پیر نرم ہو جائیں گے۔

خوبصورت ہونٹ

زیتون کا تیل ہونٹوں پر روزانہ استعمال ہونٹوں کو نرم و ملائم اور خوبصورت بناتا ہے۔

نرم ملائم جلد کے لیے

جب آپ کو چہرے کو نرم اور موئسچرائز کرنے کی ضرورت محسوس ہو زیتون کے تیل سے جلد کا مساج کریں خاص طور پر خشک اور روکھے حصوں پر زیادہ تیل کا مساج کریں۔

نہانے کے لیے

چند چمچے زیتون کا تیل اور چند بوندیں اپنے پسندیدہ تیل کی پانی میں ڈال کر نہائیں اس طرح آپ کی جلد نرم اور خوبصورت ہو جائے گی۔

جھریوں کا خاتمہ

لیموں کے رس میں زیتون کا تیل ملا کر مساج کریں اور ہمیشہ کے لیے جھریوں سے چٹکارا حاصل کر لیں۔

بالوں اور سر کی جلد کے مسائل

چند چمچے زیتون کے تیل کا سر اوربالوں اور مساج کریں اور تیس منٹ کے لیے چھوڑ دیں اس کے بعد معمول کے مطابق شیمپو کر لیں۔ یہ آپ کے دومنہ کے پالوں ، خشکی سے بچاوَ فراہم کرے گا اور آپ کے بالوں کو چمکدار، سلکی اور موٹا کرے گا۔ اگر آپ کے بال پتلے ہیں تو بالوں کو چمکدار اور خوبصورت بنانے کے ساتھ موٹا بھی کرتا ہے۔


بہترین قسم کا زیتون کا تیل استعمال کریں اور کیمیائی تیل سے پرہیز کریں۔

__________________

یاسر عمران مرزا

میں کھانا پکانے کے لیے زیتون کا تیل استعمال کرتا ہوں۔ اس سے کھانا بہت مزیدار پکتا ہے۔ کچھ لوگ اسے کولسٹرول کم کرنے کا ایک ذریعہ بھی مانتے ہیں۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

حسنین ایوب

بہت خوب شکریہ ۔۔۔۔۔۔۔۔۔۔۔۔۔۔۔

wajee

آپکا بھی شکریہ ۔

فیصل ناصر

واہ ! وقاص بھائی
کہاں کہاں سے ڈھونڈ کر لارہے ہیں
بہت معلوماتی شئرنگ ہے
زیتون اور زیتون کا تیل واقعی بہت فائدہ مند ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

فیصل ناصر

واہ ! وقاص بھائی
کہاں کہاں سے ڈھونڈ کر لارہے ہیں
بہت معلوماتی شئرنگ ہے
زیتون اور زیتون کا تیل واقعی بہت فائدہ مند ہے

wajee

بس جناب آپکی شاگردی کا کمال ہے یہ سب کچھ

صبارخ

زیتون کے تیل میں کھانا وہ بھی اس دور میں آج کل تو لوکل تیل میں بنا لے تو بڑی بات ہے

wajee

یاسر بھائی سعودی عرب میں ہیں تو وہاں زیتون کا تیل ہی چلتا ہے اور پاکستان میں سروں کا تیل خیر خوبصورتی کےلیے تو ضرور لینا پڑھے گا

عبدالقدوس

ایک بوتل بھجوا دو پھر

wajee

یاسر بھائی عبدالقدوس بھائی آپ سے زیتون کے تیل کی بوتل مانگ رہیں ہیں ایک ٹی سی کر دو

عبدالقدوس

یہ ٹی سی کیا ہوتا ہے بھائی

مرزا عامر

قران پاک میں اللہ تعالٰی نے میری معلومات کے مطابق زیتون کا 6 جگہ ذکر کیا ہے
اور وہی ہے جس نے آسمان کی طرف سے پانی اتارا پھر ہم نے اس (بارش) سے ہر قسم کی روئیدگی نکالی پھر ہم نے اس سے سرسبز (کھیتی) نکالی جس سے ہم اوپر تلے پیوستہ دانے نکالتے ہیں اور کھجور کے گابھے سے لٹکتے ہوئے گچھے اور انگوروں کے باغات اور زیتون اور انار (بھی پیدا کئے جو کئی اعتبارات سے) آپس میں ایک جیسے (لگتے) ہیں اور (پھل، ذائقے اور تاثیرات) جداگانہ ہیں۔ تم درخت کے پھل کی طرف دیکھو جب وہ پھل لائے اور اس کے پکنے کو (بھی دیکھو)، بیشک ان میں ایمان رکھنے والے لوگوں کے لئے نشانیاں ہیں سورۃ انعام آیت 99

اور وہی ہے جس نے برداشتہ اور غیر برداشتہ (یعنی بیلوں کے ذریعے اوپر چڑھائے گئے اور بغیر اوپر چڑھائے گئے) باغات پیدا فرمائے اور کھجور (کے درخت) اور زراعت جس کے پھل گوناگوں ہیں اور زیتون اور انار (جو شکل میں) ایک دوسرے سے ملتے جلتے ہیں اور (ذائقہ میں) جداگانہ ہیں (بھی پیدا کئے)۔ جب (یہ درخت) پھل لائیں تو تم ان کے پھل کھایا (بھی) کرو اور اس (کھیتی اور پھل) کے کٹنے کے دن اس کا (اﷲ کی طرف سے مقرر کردہ) حق (بھی) ادا کر دیا کرو اور فضول خرچی نہ کیا کرو، بیشک وہ بے جا خرچ کرنے والوں کو پسند نہیں کرتا

اور انگور اور ترکاری اور زیتون اور کھجوراور گھنے گھنے باغات اور پھل میوے اور چارہ --سورۃ عبس آیات 31تا29

وہی ہے جس نے تمہارے لئے آسمان کی جانب سے پانی اتارا، اس میں سے (کچھ) پینے کا ہے اور اسی میں سے (کچھ) شجر کاری کا ہے (جس سے نباتات، سبزے اور چراگاہیں اُگتی ہیں) جن میں تم (اپنے مویشی) چراتے ہ اُسی پانی سے تمہارے لئے کھیت اور زیتون اور کھجور اور انگور اور ہر قسم کے پھل اگاتا ہے، بیشک اِس میں غور و فکر کرنے والے لوگوں کے لئے نشانی ہے سورۃ نحل آیت 11-10

اللہ آسمانوں اور زمین کا نور ہے، اس کے نور کی مثال اس طاق جیسی ہے جس میں چراغِ ہے؛ چراغ، فانوس میں رکھا ہے۔ فانوس (نورِ الٰہی کے پرتَو سے اس قدر منور ہے) گویا ایک درخشندہ ستارہ ہے جو زیتون کے مبارک درخت سے روشن ہوا ہے نہ شرقی ہے اور نہ غربی ۔ ایسا معلوم ہوتا ہے کہ اس کا تیل چمک رہا ہے اگرچہ ابھی اسے آگ نے چھوا بھی نہیں، (وہ) نور کے اوپر نور ہے ، اللہ جسے چاہتا ہے اپنے نور (کی معرفت) تک پہنچا دیتا ہے، اور اللہ لوگوں (کی ہدایت) کے لئے مثالیں بیان فرماتا ہے، اور اللہ ہر چیز سے خوب آگاہ ہے سورۃ نور آیت 35

انجیر کی قَسم اور زیتون کی قَسمo اور سینا کے (پہاڑ) طور کی قَسم o سورۃ التین آیت 2-1


پھر ہم نے تمہارے لئے اس سے کھجور اور انگور کے باغات بنا دیئے تمہارے لئے زمین میں بہت سے پھل اور میوے اور تم ان میں سے کھاتے ہوo اور یہ درخت (زیتون بھی ہم نے پیدا کیا ہے) جو طورِ سینا سے نکلتا ہے (اور) تیل اور کھانے والوں کے لئے سالن لے کر اگتا ہے- سورۃ المومنون آیات 20-19

زیتون کا تیل جسم سے برے کولیسٹرول کوختم کرکے اچھا کولیسٹرول پیدا کرتا ہے ۔ دل کی بہت سی بیماریوں میں زیتون کا تیل نہایت کارآمد ہے ۔ جن لوگوں کو ہائی بلڈ پریشر کا مرض ہو تو وہ زیتون کا تیل استعمال کریں ۔ اس کے علاوہ السر کے خاتمے بڑی آنت کے کینسر کی روک تھام (یہ کینسر کا علاج نہیں ہے تاہم اس کے استعمال سے بڑی آنت کے کینسر ہونے کے امکانات کم ہو جاتے ہیں (( اور ہڈیوں کی نشونما میں بھی زیتون کا تیل معاون ثابت ہوتا ہے۔ اس کے علاوہ جو لوگ زیتون کے تیل کا استعمال کرتے ہیں انہیں پتہ کی پتھری ہونے کے امکانات نہایت کم ہوتے ہیں
بہت سے فوائد وجی بھائی نے اپنے مراسلے میں پہلے ہی لکھ دیے ہیں۔

__________________

میں اک دن لَوٹ کے آوں گا

wajee

عبدالقدوس بھائی جو دوست باہر ملک میں ہوتا ہے اور میں کچھ چیز منگواتا ہو تو ٹی سی اپنا کوڈ ورڈ استعمال کرتا ہوں ٹی سی کا مطلب Transfer Country

Miss Khan

جزاک اللہ۔۔۔۔۔۔ بہت اچھے۔۔۔۔۔