راجہ صاحب

کیا آپ جانتی ہیںکہ دنیا کی تمام خوب صورت خواتین کے حسن و صحت کا مشترکہ راز کیا ہے ؟ اس کا جواب ہے پانی !
جی ہاں پانی کے اندورنی و بیرونی استعمال سے آپ کی صحت پر نہایت مثبت اثرات مرتب ہوتے ہیں ۔جب آپ کی صحت اچھی ہو گی تو یقینی طور پر آپ جاذب نظر کہلائیں گی ۔
آٹھ گلاس پانی روزانہ کے اصول سے تو ہر کوئی واقف ہے اس کے علاوہ غسل کرنے سے نہ صرف ظاہری خوب صورتی بحال ہو گی ساتھ ہی ساتھ آپ تازہ دم اور چاق و چوبند بھی نظر آئیں گی ۔
اسلامی نقطہ نظر سے بھی صفائی کو نصف ایمان کا درجہ حاصل ہے ۔صرف معالج کی ہدایت پر غسل سے گریز کرنا چاہیے ۔ غسل کے لے اپنی برداشت اور موسم کے لحاظ سے ٹھنڈا یا نیم گرم پانی استعمال کرنا چاہیے ۔ گرمیوں میں دن میں دو دفعہ جب کہ سردیوں میں ایک دفعہ غسل کرنا ضروری ہے البتہ یہ ضروری نہیں کہ آپ روزانہ صابن استعمال کریںصابن کے جبائے ابٹن یا محض سادے پانی کا استعمال بھی کیا جا سکتا ہے ۔سردیوں میں نہانے سے قبل نیم گرم زیتون یا سرسوں کے تیل سے پورے جسم کا ہلکے ہاتھوں سے مساج کریں اس کے علاوہ بیسن اوردودھ ملا کر پیسٹ بنائیں اور اس کو بطور صابن استعمال کریں آپ کی جلد شفاف اور نرم ملائم ہو جائے گی ۔
لیکن خیال رہے کہ مساج کے بعد تقریبا آدھے گھنٹے کا وقفہ ضرور ہونا چاہیے ۔
غسل کے پانی میںچند قطرے ناریل کا تیل ملا کر نہانے سے خشکی کی شکایت رفع ہو جاتی ہے ۔
عام دنوں میں پانی میں ایک چائے کا چمچہ لیموں کا رس اور عرق گلاب ملا کر نہانے سے رنگ صاف ہوتا ہے او رطبیعت ہشاشش بشاش رہتی ہے ۔
ہفتے میںدو دفعہ جراثیم کش صابن جیسے نیم سوپ یا ڈیٹول سوپ وغیرہ سے ضرور نہانا چاہیے اس سے بیماریوں سے بچاو میں مدد ملتی ہے ۔
غسل سے فورا پہلے اور فورا بعد ورزش اور کھانیپینے سے گریز کرنا چاہیے اسی طرح بہت زیادہ سر د یا گرم مقام پر بھی نہیں جا نا چاہیے ۔دوران غسل کہنیوں ایڑھیوں گھٹنون وغیرہ کو کھر درے جالی دار کپڑے سے اچھی طرح صاف کر نا چاہیے اسی طرح بعد از غسل تولیے سے جسم کو ہلکی سی رگڑ کے ساتھ خشک کرنا چاییے
گالوں کے سیاہ دھبے دور
کھیرے کے جوس اور بادام کے پاوڈر کو ملا کر پیسٹ بنا لیں اورچہرے پر لگائیں 20منٹ کے بعد ٹھنڈے پانی سے چہرہ دھولیں ۔کچھ ہی دنوں میںسیاہ دھبے دور ہو جائیں گے۔
آنکھوں کے سیاہ حلقے دور کیجیے
اگر آنکھوں کے نیچے سیاہ حلقے پڑ گئے ہوں تو کچا آلو چھیل کر کدوکش کر لیں او رپھر اس میں سوکھا دودھ ملا کر پیسٹ بن لیںاور س پیسٹ کو آنکھوں کے نیچے لگائیں ۔دس منٹ بعد فدھو لیا کریں ۔کچھ ہی دنوں میں وہ حلقے دور ہو جائیں گے ۔