چاچا کمال

‘‘آج مہنگائی کی یہ حالت ہے کہ کوئی لکھ پتی اپنی بیوی کے ساتھ شاپنگ کے لیے جائے تو واپسی پر وہ صرف پتی ہوتا ہے۔۔

‘‘ہمارے ہاں شادی ہمیشہ پسند سے کی جاتی ہے۔۔یعنی گھر والوں کی پسند سے۔۔۔

‘‘بعض لوگوں سے مل کر انسان حیرت سے سوچتا ہے کہ اب تک وہ کہاں تھے اور جہاں تھے وہاں واپس کب جائیں گے۔۔

‘‘ساس اور بہو کا جھگڑا وہاں نہیں ہوتا جہاں ساس بہو نہیں ہوتیں۔۔

‘‘کرائے پر ایک مکان کی ضرورت ہے جو اتنا تنگ نہ ہو کہ آئے دن بیوی جھگڑ کر میکے چلی جائے اور نہ اتنا کشادہ ہو کہ آئے دن ساس رہنے چلی آئے۔۔

‘‘بچپن کے بعد لڑکپن آتا ہے ۔۔اس عمر میں بچہ سوال کرنا بند کر دیتا ہے۔۔آگے سے جواب دینے لگتا ہے۔۔

‘‘بعض دعائیں ضرور رنگ لاتی ہیں۔۔سہیل کو بچپن میں دعا ملی کہ دنیا تیرے اشارے پر چلے اور آج وہ ٹریفک کانسٹیبل ہے۔۔احمد کو دعا ملی کے تیری زندگی میں ہمیشہ پھول کھلتے رہیں۔۔شادی کے دس سال بعد اس کے نو بچے ہیں۔۔

‘‘پروفیسر صاحب سے کسی نے پوچھا۔۔‘‘آپ کی اعصابی بیماری کا کیا حال ہے؟‘‘
جواب ملا۔۔‘‘ٹھیک ہے‘ آج کل میکے گئی ہوئی ہے۔۔‘‘