اسلام علیکم دوستوں،
میں پچھلے کئی سالوں سے اعتکاف کرنے کے بارے میں سوچ رہا تھا مگر دُنیاوی مصروفیات سے فرصت ہی نہیں ملتی تھی۔ الحمدللہ اس سال مصمم ارادہ کیا اور منجانب اللہ اس کی تائید بھی ہوئی اور انتہائی مشکل حالات کے باوجود ناصرف یہ کے آفس سے چھٹی بھی مل گئی اور اسباب بھی مہیا ہوگئے۔

وہ ساتھی جو ابھی تک اس منفرد تجربے سے نہیں گذرے ہیں اُ ن کی دلچسپی اور معلومات کے لیئے میں نے اپنے اعتکاف سے متعلق تجربات آپ لوگوں سے شئیر کرنے کا سوچا ہے ۔ اُمید ہے کے آ پ لوگ اپنی قیمتی آراء سے نوازیں گے، شکریہ!

اعتکاف سے پہلے:
میں نے ارادہ کیا تھا کے قریبی مسجد کے بجائے کسی ایسی مسجد میں اعتکاف کروں گا جہاں کوئی مجھے بالکل جانتا نہ ہو اور یوں عبادات میں انہماک اور خشوع و خضوع بھی قائم رہے گا۔
7 تاریخ کو آن لائن چھٹی کی درخواست دی تھی اور آج 11 جوالائی کو معلوم کرنے پر معلوم ہوا کے چھٹی نہیں مل سکتی کیونکہ ادارے میں بچوں کے اسسمنٹ شروع ہونے والے ہیں۔ یہ جان کر سخت افسوس ہوا مگر چوں کے ارادہ کرچکا تھا لہذا بلا اجازت ہی چھٹیاں کرنے کا فیصلہ کرلیا ، اس اثنا میں اپنا اکاونٹ چیک کیا تو معلوم ہوا کے چھٹیاں منظور ہوچکی ہیں، خو د میری ہیڈ بھی اس بات پر حیران تھیں کے یہ چھٹیاں کس نے اور کیسے منظور کردیں؟

آفس سے فارغ ہوکر واپس آ رہا تھا کے راستے ہی میں جمعے کی نماز کا وقت ہو گیا ۔ بس سے اُتر کر نماز ادا کی اور گڑگڑا کر دُعا کی کے مجھے اپنے مقصد میں کامیابی عطا فرما کیونکہ ابھی تک کسی مسجد سے اجازت نہیں ملی تھی۔ گھر پہنچ کر بائیک لی اور دور کی مساجد میں جا کر اعتکاف کی جگہ کا معلوم کرنے لگا عصر سے کچھ پہلے ہی ایک مسجد میں اجازت مل گئی مگر مشکل یہ تھی کے میں اپنے گھر والوں سے سحری و افطار نہیں منگوانا چاہتا تھا اور نہ ہی اُن کے علم میں لانا چاہتا تھا کے میں کس مسجد میں بیٹھ رہا ہوں، مجھ سمیت آٹھ افراد ایسے تھے جو اس مشکل کا شکار تھے، اس کا حل مسجد انتظامیہ نے یہ نکالا کے ہم آٹھوں افراد سے 1000 روپے فی کس لیکر مسجد کے کادم کی ڈیوٹی لگا دی کے وہ ہمارے لیئے سحر و افطار کا بندبست کرے گا۔
اُسی دن میں گھر سے بہت مختصر سے ضروری اشیاء مثلاً چادر، تکیہ، ایک موٹی رلّی (نیچے بیچھانے کے لیئے)، ٹوتھ برش و پیسٹ، صابن، چند کتابیں ، ایک نوٹ پیڈ اور قلم لے کر مذکورہ مسجد کی طرف روانہ ہوا۔ عصر کی نماز مسجد ہی پڑھی ۔

مسجد کی انتظامیہ نے مسجد کے حرم والے حصے میں دائیں اور بائیں سخت تار کھینچ کر پردے باندھ دیئے تھے مگر ان پردوں کے درمیاں میں پارٹیشن بنانے کے چادریں خود معتکف حضرات کو ہی لانی تھیں۔ مسجد کے اطراف کے معتکف حضرات پہلے ہی کچھ جگہوں پر اپنے حجرے بنا چکے تھے مجھے بھی درمیان میں ایک چھوٹی سی جگہ مل گئی ۔اب مشکل یہ تھی کے حرم میں لگے پنکھوں کی وجہ سے ناصرف حجرے کے سامنے والی چادر اُڑتی تھی بلکے دائیں بائیں لگی دوسری چادریں بھی ہلتی تھیں۔ لہذا ایک بچے کو پیسے دے کر "سیفٹی پن" منگوائیں تاکہ چاردوں کو اس طرح باندھ دیا جائے کے کسی کی پرائیویسی متاثر نا ہو۔

فقہی اعتبار سے معتکف کا مغرب کی نماز کا اعتکاف والی مسجد میں ادا کرنا ضروری ہے، لہذا مغرب تک تمام معتکفین حضرات مسجد میں تشریف لاچکے تھے۔نماز کے بعد مسجد کے امام صاحب (جو الحمدللہ مفتی بھی ہیں) نے معتکفین حضرات کو مسجد کی حدود سے آگاہ کیا اور چند ضروری ہدایات دیں اور یہ بھی بتایا کے ہر طاق رات (مثلاً اکسیویں، تئیسویں، پچیسویں، ستائیسویں اور اُنتیسویں) شب میں عشاءکی نماز کے بعد فقہ کی کلاسسز ہوں گی تاکہ ہم لوگ ان دنوں میں ضروری فقہی مسائل سے آگاہ ہوں سکیں۔

مغرب کی نماز کے بعد ہم سب لوگ اپنے اپنے حجروں میں چلے گئے اور کچھ لوگ عبادات اور کچھ لوگ اذکار میں مصروف ہوگئے۔

اب ہمارا اعتکاف شروع ہوگیا تھا!

نوٹ: یہ ڈائری ابھی نامکمل ہے انشااللہ جلد ہی اس سے آگے کی دوئیداد پیش کروں گا آپ لوگوں کی آراءکا انتظار رہے گا۔