حیدر

اگر رزق اور موت نے چار و ناچار پہنچنا ہی ہے۔ تو پھر۔ ۔ ۔ ۔ کوشش کے باوجود جن کو رزق نہیں مل رہا تو اس کا مطلب ہے ان کے مقدر میں رزق نہیں لکھا ہوا؟ِ؟؟؟؟؟؟

زارا

رزق اُنکے مقدر میں لکھا ہے بدربھائی اورجلد یا بدیراُنکو ملنا ہی ہے کیونکہ جسکوجتنا اللہ نے دیناہے اُتنا ہی ملے گا نہ کوشش کرکے زیادہ نہ بغیر کوشش کے کم۔

__________________

مرزا عامر

رزق کے لیئے قران اور انجیل میں پرندوں کی مثال دی گئی ہے جو اپنے رزق کی فکر نہیں کرتے لیکن انہیں رزق مل کر رہتا ہے
لیکن پروندوں کی مثال اس لیئے بھی دی گئی ہے کہ عام طور پر رزق کی تلاش میں نکلنا پڑتا ہے ۔

__________________

میں اک دن لَوٹ کے آوں گا

کنعان

وَلاَ تَجْعَلْ يَدَكَ مَغْلُولَةً إِلَى عُنُقِكَ وَلاَ تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا
إِنَّ رَبَّكَ يَبْسُطُ الرِّزْقَ لِمَن يَشَاءُ وَيَقْدِرُ إِنَّهُ كَانَ بِعِبَادِهِ خَبِيرًا بَصِيرًا
سورۃ الاسراء 29-30
اور نہ اپنا ہاتھ اپنی گردن سے باندھا ہوا رکھو (کہ کسی کو کچھ نہ دو) اور نہ ہی اسے سارا کا سارا کھول دو (کہ سب کچھ ہی دے ڈالو) کہ پھر تمہیں خود ملامت زدہ (اور) تھکا ہارا بن کر بیٹھنا پڑے
بیشک آپ کا رب جس کے لئے چاہتا ہے رزق کشادہ فرما دیتا ہے اور (جس کے لئے چاہتا ہے) تنگ کر دیتا ہے، بیشک وہ اپنے بندوں (کے اعمال و احوال) کی خوب خبر رکھنے والا خوب دیکھنے والا ہے

__________________

ملک اظہر

حضرت ابودرداء کہتے ہیں کہ رسول کریم صلی اللہ علیہ وآلہ وسلم نے فرمایا۔ اس میں کوئی شبہ نہیں کہ رزق بندے کی اس طرح تلاش کرتا ہے جس طرح انسان کو اس کی موت ڈھونڈتی ہے۔ اس روایت کو ابو نعیم نے کتاب حلیہ میں نقل کیا ہے۔
مطلب یہ ہے کہ رزق اور موت دونوں کا پہنچنا ضروری ہے کہ جس طرح کہ اس بات کی کوئی حاجت نہیں ہوتی کہ کوئی اپنی موت کو ڈھونڈے اور اس کو پائے بلکہ خود موت اس کے پاس ہر صورت میں اور یقینی طور پر آتی ہے، سی طرح رزق کا معاملہ ہے کہ اس کو تلاش کرنے کی کوئی ضرورت نہیں ہے بلکہ جو کچھ مقدر میں ہوتا ہے وہ ہر صورت میں لازمی طور پر پہنچتا ہے، خواہ اس کو ڈھونڈاجائے یا نہ ڈھونڈاجائے۔ تاہم اس کا مطلب یہ ہرگز نہیں ہے کہ ڈھونڈنے کی صورت میں رزق نہیں ملتا، بلکہ حقیقت یہ ہے کہ حصول رزق کے لئے سعی تلاش بھی تقدیر الٰہی اور نظام قدرت کے مطابق ہے البتہ جہاں تک قلبی اعتماد وبھروسہ کا تعلق ہے اور وہ صرف خدا کی ذات پر ہونا چاہئے نہ کہ سعی وتلاش پر ۔
لہٰذا اس سلسلے میں انسان کو خدا پر توکل اور اعتماد کرنا چاہئے اور یہ پختہ یقین رکھنا چاہئے کہ رزق کا ضامن اللہ تعالیٰ ہے ۔ نیز اگر رز ق ملنے میں کوئی رکاوٹ اور تاخیر ہوجائے تو اضطراب وبے چینی کا مظاہرہ نہیں کرناچاہئے پھر اس اعتقاد کے ساتھ اپنی ضرورت وحاجت اور ہمت وطاقت کے بقدر معتدل ومناسب طریقہ پر حصول معاش کی سعی وتلاش میں لگنا چاہئے کہ اصل رازق تو اللہ تعالیٰ ہے، لیکن یہ بھی طریقہ عبودیت ہے کہ اپنا رزق حاصل کرنے کے لئے مناسب جدوجہد اورکی جائے؛ ملا علی قاری نے حدیث کے خاتمہ پر لکھا ہے کہ یہی نہیں کہ جس طرح انسان کو اس کی موت کا پہنچنا یقین ہے اسی طرح اس کے رزق کا بھی اس تک پہنچنا یقینی ہے بلکہ انسان کو اس کا رزق اس کی موت سے بھی پہلے اور موت سے بھی جلدی پہنچتا ہے، کیونکہ جب کسی کی موت آتی ہے تو وہ اپنا رزق اس سے پہلے پاچکا ہوتا ہے جس کو وہ اپنے مقدر میں لے کر اس دنیا میں آیا تھا، چنانچہ اگر غور کیا جائے تو اللہ تعالیٰ کے اس ارشاداﷲ الذی خلقکم ثم رزقکم ثم یمیتکم ثم یحییکم ھل من شرکائکم من یفعل من ذلکم من شیئ سبحٰنہ وتعالٰی عمّا یشرکون۴ ؎۔اﷲ وہ ہے جس نے تمہیں بنایا ، پھر روزی دی ، پھر مارے گا پھر جِلائے گا۔ تمہارے شریکوں میں کوئی ایسا ہے جو ان کاموں میں سے کچھ کرے ؟ پاکی اور برتری ہے اُسے ان کے شریک سے۔سے بھی یہی بات ثابت ہوتی ہے ملا علی قاری نے یہ بھی لکھا ہے کہ ابو نعیم نے اپنی کتاب حلیہ میں بطریقہ مرفوع یہ بات بھی نقل کی ہے لون ابن ادم ہرب من رزقہ کما یہرب من من الموت لادرکہ رزقہ کما یدرکہ الموت اگر انسان اپنے رزق سے بھی اس طرح بھاگے جس طرح وہ اپنی موت سے بھاگتاہے تو یقینا اس کا رزق بھی اس کو اسی طرح پالے جس طرح کہ اس کی موت اس کو پالیتی ہے۔

حیدر Rehan

آیات قرانی اور احادیث محمد ص و آل محمد ع سے مدد لیں

مولا علی علیہ سلام کا فرمان ہے
رزق دو طرح کے ہیں
ایک رزق وہ ہے جو تمھیں تلاش کرتا ہے اور دوسرا وہ ہے جسے تم تلاش کرتے ہو اگر وہ جسے تم تلاش کرتے ہواگر نہ بھی پاو، تو وہ جو تمھیں تلاش کررہا ہے تمھیں مل کررہے گا۔