دسمبر کی سرد لمبی رات ہے
بادل گرج رہے ہیں
بجلی چمک رہی ہے
ہلکی ہلکی بارش بھی شاید برس رہی ہے
میرے آشیانے پہ مگر
موت سی خاموشی چھائی ہے
قبر کی تنہائی ہے
سب سے بڑھ کر
میرے دل میں
بے انتہاء کسی کی یاد بھی ہے
قلم کاغذ سامنے پڑے ہیں
آج لکھنے کو بہت کچھ ہے مگر
قلم اٹھاتا ہوں اور رکھ دیتا ہوں
یہ سوچ کر کے
اب میں کیوں لکھوں
کس کے لیے لکھوں
اب کون ہے
جو میرے الفاظ میں خود کو تلاش کرے گا
اب کون
میری ڈائری میں پھول رکھا کرے گا
اور اسے پڑھ کے
اسے اپنے تکیے کے نیچے رکھ کے سویا کرے گا
اب کون ہے جو
مجھے قلم دے کے کہے گا
اسے
پیار کی پہلی اور آخری نشانی سمجھ کے رکھ لو
میرے جانے کے بعد
جب میں یاد آوں
تو اس قلم سے
میرے لیے کوئی شعر لکھ دیا کرنا
میری مجبوریوں کو بھول کے
مجھے بیوفائی کا طعنہ دے دیا کرنا
اب کون ہے
جس ہے میں کہوں گا
کہ یہ قلم جو تونے مجھ کو ہے دیا
اس سے لکھوں گا میں تیرے لیے
عمر بھر کی خوشیوں کی دعا
مگر اب اس کے جانے کے بعد
نجانے میرے دل کو ہوا ہے کیا
کہ اب جب بھی کوئی شعر لکھنے لگتا ہوں
تو الفاظ تو ذہن میں آتے نہیں
ہاں مگر
دل میں اس کے یاد
اور آنکھوں میں آنسو
بے تحاشا آتے ہیں
از "محمد یاسر علی "

__________________
فیس بک پہ پاک نیٹ کا حلقہ احباب

https://www.facebook.com/groups/pak.net

دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔