اے خدا
کیا ہی اچھا ہوتا
جو میں بھی کسی کا بھائی ہوتا
میری بھی کوئی بہن ہوتی
بچپن میں
ہم دونوں ساتھ کھیلا کرتے
ذرا ذرا سی بات پہ
اک دوسرے سے روٹھا کرتے
کچھ دیر روٹھ کے
مجھے منا لیا کرتی
"بھیا روٹھا نہ کرو مجھ سے "
اپنی معصوم سی آواز میں
مجھ سے کہا کرتی
اسی کے دم سے
گھر میں ہمارے رونق ہوتی
کاش خدا تونے مجھے
گڑیا کے جیسی
اک بہن دی ہوتی
میری بہن میری ہمراز ہوتی
میرے دل کی وہ آواز ہوتی
میرے دل کی ہر بات جان لیتی
میری ہر خواہش کا احترام کرتی
اگر کبھی میری طبیعت
ذرا سی بھی خراب ہوتی
اپنے ہاتھوں سے دوا پلایا کرتی
رات بھر جاگ کے
خدا ہے دعا کرتی
اگر میری آنکھوں میں
کبھی آنسو آتے
میرے آنسو پونچھا کرتی
ہر عید ، شبِ رات پہ
پر خوشی کے موقعہ پہ
زبردستی تحفے تحائف مانگا کرتی
اگر اس کے سامنے
مذاق میں بھی کوئی
مجھے کچھ کہتا
تو وہ میری وکالت کرتی
میرے خلاف کسی کو
کچھ بھی نہ کہنے دیتی
اگر اے خدا
تونے مجھے بھی دی کوئی بہن ہوتی
کتنے ارمانوں سے تلاش کرتی
اپنے لیے اک سندر سی بھابھی
میری شادی میں وہ
اپنے سب ارمان پورے کرتی
ڈھولک بجاتی
گانے گاتی
میری دلہن کو
اپنے ہاتھوں سے سجاتی
"میرے بھیا کا بہت خیال رکھنا "
میری بیوی سے کہا کرتی
اگر میری بھی کوئی بہن ہوتی
جب وہ جوان ہوتی
تو اس کی شادی ہوتی
میرے آنسووں کی چھاوں میں
لیپٹ کے ماں ،باپ کی دعاوں میں
بابل کے گھر سے رخصت ہوتی
اگر میر ی بھی کوئی بہن ہوتی
کاش کہ اے خدا
کیا ہی اچھا ہوتا
جو میں بھی کسی کا بھائی ہوتا
میری بھی کوئی بہن ہوتی
شاعر "محمد یاسرعلی"