اس اک خدا کے پاک نام سے ابتدا ہے
جس کے رحم و کرم کی نہیں کوئی انتہاءہے

جو قدوس ہے ، علیم ہے جو رحمٰن و رحیم ہے
وہ سب سے بے نیاز سب سے بلندو عظیم ہے

جو قادرالمقتدر ہے جو مقدم الموخر ہے
جو ظاہر ہے جو باطن وہی اول و آخر ہے

جو نور اعلٰی نور ہے جو سمیع البصیر ہے
جو خالق ہے رازق ہے وہی والی البر ہے

جو ماجد ہے جو واجد ہے وہی اللہ صمد ہے
جولم یلد ولم یولد ہے ھو اللہ واحد و احد ہے

جو مالک الملک ہے وہی قوی المتین ہے
تمام تعریفیں اس کے لیے جو رب العلمین ہے

جو واسع الحلیم ہے وہی حیی القیوم ہے
کیا ہے اس کی شان یہ کس کو معلوم ہے

جو حسیب الجلیل ہے وہی حق الوکیل ہے
جتنی بھی اس کی ثناء ہو قلیل ہے قلیل ہے

جو مبدی المعید ہے وہی رقیب المجیب ہے
نظر نہیں آتا مگر شہہ رگ سے بھی فریب ہے

جو عزیز الجبار ہے وہی غفار و قھار ہے
اس پہ ایمان نہ لانے والا کافر گنہگار ہے

جو محیی الممیت ہے وہی باسط اللطیف ہے
کرتا تعریف اس کی ہر بچہ جوان صیعف ہے

اس فانی دنیا میں کچھ بھی نہیں جو لازوال ہے
جس کو نہیں زوال وہ صرف ربِ زوالجلال ہے

ساری کائنات میں جس کا نہیں کوئی ہم سرہے
ہر شے،ہر مخلوق کی پکارھو اللہ اکبر اللہ اکبر ہے

پھر اس کے لیے یاسر حقیقتِ دنیا ہی کیا ہے
جس کسی نےسچے دل سے لا الہ الااللہ کہا ہے