اے دوست میرے
مجھے نویدِ عید نہ دے
خوشی کی جھوٹی امید نہ دے
کہ عید کے دن
اپنوں کی بے رخی
غیروں کی ہنسی
ناگن بن کے
میری روح کو ڈستی ہے
میرا دل دکھاتی ہے
صرف یہی کچھ ہوتا
تو بھی کوئی غم نہ ہوتا
مگر عید کے دن
حسیناوں کا بننا سنورنا
کسی کے نام کی حنا
اپنے ہاتھوں پہ سجانا
دید کی تڑپ اور بڑھاتا ہے
بڑا تڑپاتا ہے
کہ اک پل کے لیے
اک جھلک ہی سہی
میں بھی تو دیکھوں
میرے سپنوں کی شہزادی
میرے خیالوں کی ملکہ
روپ کی رانی
حسن کی دیوی
آج کیسی لگتی ہے
اس کے ہاتھوں پہ سجی
حنا کس کے نام کی ہے
از " محمد یاسر علی "

__________________
فیس بک پہ پاک نیٹ کا حلقہ احباب

https://www.facebook.com/groups/pak.net

دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔