آج میں خوش ہوں
بہت خوش
کہ آج
دو دل مل رہے ہیں
میرے محبوب کے گال
خوشی اور حیا سے دہک رہے ہیں

آج میں خوش ہوں
بہت خوش
کہ آج
میرے محبوب کے ہاتھوں پہ
رنگِ حنا کیا خوب نکھرا ہے
چاند سا چہرہ
گھونگھٹ کی اوٹ میں چھپا ہے

آج میں خوش ہوں
بہت خوش
کہ آج
میرا محبوب خوش ہے
لیکن یہ کیا
خوشی کے موقعہ پہ
میری آنکھوں میں آنسو کیسے؟
نہیں‌
آج میں نے رونا نہیں
کہ آج
میرے محبوب کی شادی ہے
میرے ساتھ نہیں تو کیا ہوا
میرا محبوب تو خوش ہے نا
میرا محبوب جو خوش ہے تو
میں بھی خوش ہوں
بہت خوش

از " محمد یاسر علی"

__________________
فیس بک پہ پاک نیٹ کا حلقہ احباب

https://www.facebook.com/groups/pak.net

دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔