کنعان

السلام علیکم

جمعہ کے خطبہ کے لئے کسی موضوع کا تعین نہیں کیا جاتا۔

پاکستان میں جمعہ کے وقت مساجد میں 45 منٹ سے ایک یا سوا ایک گھنٹہ تک اردو میں وعظ و بیان ہوتا ھے جس پر موضوع کریٹ کیا جا سکتا ھے اور وہ موضوع کوئی بھی دے سکتا ھے۔ پھر عربی میں خطبات دئے جاتے ہیں جن کا وقت اندازاً 3 منٹ سے 5 منٹ تک کا ہوتا ھے۔

مگر عرب ممالک جمعہ کے وقت عربی زبان میں کوئی وعظ و بیان نہیں ہوتا امام صاحب پورے وقت پر مسجد میں داخل ہوتے ہیں نوافل پڑھنے کے بعد امام صاحب خطبات پڑھنے کے لئے کھڑے ہو جاتے ہیں ان دونوں خطبات کا وقت زیادہ تر 45 منٹ تک کا ہوتا ھے اور اس سے زیادہ بھی ہو سکتا ھے۔ پرچی ان کے ہاتھ میں بھی پکڑی ہوتی ھے مگر انہیں زبانی یاد ہوتے ہیں۔

باقی رہی بات پاکستان کے حوالہ سے محکمہ اوقاف کی تو اس پر جو آپ نے لکھ دیا میں اس پر کچھ نہیں کہتا کیونکہ بات پھر بہت لمبی ہو جائے گی۔

والسلام

__________________

عبداللہ آدم

عرب مملک میں خطبہ جمعہ""میکانائزڈ"" پریکٹس کی طرح ہوتا ہے.................کوئی بھی بات تحریک،جہاد،یا مسلمانوں کے حقیقی مسائل اور کفار کے خلاف نہیں کی جا سکتی..............

گلا تو گھونٹ دیا "اہل حکومت"" نے تیرا
کہاں سے آئے صدا لا الہ الا اللہ

کنعان

السلام علیکم

عرب ممالک میں 5 وقت کی نماز پڑھانے کے لئے زیادہ تر امام پاکستانی اور بنگلہ دیشی ہوتے ہیں جن کی تنخواہ 1500 ریال/درھم سے 3000 تک ہوتی تھی اب کا پتہ نہیں کتنی ھے، مگر جمعہ صرف مواطن/ مقامی نیشنل ہی پڑھاتے ہیں اور جو خطبہ ہوتا ھے وہ وعظ و بیان ہی ھے۔ اور یہ بھی اچھی بات ھے کہ وہ محکمہ اوقاف کی طرف سے پیش ہوتا ھے ورنہ میں تو جب بھی جمعہ پڑھنے جاؤں تو افسوس ہی ہوتا ھے کہ حقیقی وعظ و بیان 5 سے 10 منٹ کا پھر اس کے بعد علامہ صاحب ٹریک بدل لیتے ہیں اور بڑی عجیب سی صورت حال پیدا ہو جاتی ھے کہ دل کرتا ھے بغیر جمعہ ادا کئے گھر چلے جائیں یا جمعہ پڑھنے اس وقت ہی جائیں جب جماعت کھڑی ہونی ہو حالنکہ یہاں پر مساجد زیر انتظامیہ کی سرپرستی میں ہیں مگر انہیں منع کرنے والا بھی کوئی نہیں اب اگر مجھ جیسا بندہ اٹھ کر کھڑا ہو گا تو وہ یہ کہیں گے کہ یہ غلط بندہ ھے اسے مسجد سے باہر نکال دو حالانکہ وہ غلطی پر ہیں جو اسطرح نفرت پھیلانے والی باتیں سن کر خوش ہوتے ہیں۔ اللہ سبحان تعالی انہیں ھدایت دے جو دین کا استعمال صحیح کریں۔

والسلام

ابن جمال

شیخ عبدالفتاح ابوغدہ نے عبدالعزیز بن باز صاحب سے پہلے جو مفتی اعظم تھے شیخ محمد بن ابراہیم آل الشیخ ان کے حوالہ سے نقل کیاہے کہ وہ خود تین طلاق کو تین مانتے تھے اورشیخ عبدالوہاب کے حوالہ سے یہ بھی نقل کیاکہ انہوں نے صرف ایک مرتبہ شیخ الاسلام ابن تیمہ کے قول پر فتویٰ دیااس کے بعد انہوں نے ہمیشہ جمہور ائمہ کے اقوال پر فتویٰ دیا۔
تراجم ستۃ فقہاء من عالم الاسلامی

فاروق سرورخان

اللہ تعالی کے قرآن کے مطابق ہر ایک طلاق ، اطلاع اور عدت کی مدت سے مشروط ہے۔

طلاق = اطلاع + عدت کی مدت

بناء عدت کے طلاق نہیں ہوتی ۔۔۔ یہ غیر منطقی بات ہے کہ تین عدت کی مدتیں ساتھ شمار کی جائیں۔ لہذا طلاق کی اطلاع یا اعلان 3 بار ہو یا تیس بار۔۔۔ عدت کی مدت کی وجہ سے سب طلاقوں‌کی اطلاع یا اعلان ایک طلاق شمار ہوگی۔

لہذا جو لوگ تین یا تیس طلاقیں ساتھ دیتے ہیں وہ صرف اور صرف اطلاع یا اعلان اتنی با ر کرتے ہیں۔۔۔۔۔ اس کے بعد کی عدت ان اعلانات یا اطلاعات کو ایک بناتی ہے۔

کیا تیس بار نکاح پڑھوانے سے تیس نکا ح ہوجاتے ہیں ، نکاح کا اعلان تین بار ہو یا تیس بار ، وہ ایک ہی نکاح ہوتا ہے۔ ؟؟

کیا 10 + 10 + 10 = 30 سال کی قید کو 10 سال کی مدت میں‌ ساتھ ساتھ چلایا جاسکتا ہے؟؟؟

جو لوگ طلاق کو عدت کی مدت سے جدا کرتے ہیں‌، وہ اللہ تعالی کے فرمان --- ہر طلاق کے ساتھ عدت کی مدت --- کو ماننے سے یا تو انکار کرتے ہیں یا ان کی سمجھ میں‌یہ بات نہیں‌آتی۔۔۔۔

والسلام

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

ابن جمال

جناب اردومحفل اوردیگرفورم پر آپ کے خیالات سے اورنظریات سے واقف ہوں۔آنجناب احادیث کو وہ اہمیت نہیں دیتے جو اہل سنت والجماعت کے یہاں دیاجاتاہے۔ ظاہر سی بات ہے یہ آپ کانظریہ ہے۔جمہوری حکومت میں آپ ازاد ہیں۔ لہذا جب ہمارے اورآپ کے نظریات میں ہی زمین آسمان کا فرق ہے توپھر فروعات پر بحث کرنا وقت کاضیاع ہے۔امید ہے کہ آنجناب کواس کااحساس ہوگا۔
ویسے آپ نے نکاح اورطلاق کی جومثال پیش کی ہے۔اسے فقہ کی اصطلاح میں قیاس مع الفارق کہاجاتاہے۔
آنجناب کو معلوم ہے کہ بچہ کی ولادت کن نازک مراحل کی مرہون منت ہوتی ہیں اس کے مقابلہ میں زندگی ختم کرنے کیلئئے ایک کاری ضرب اورایک گولی کافی ہوتی ہے۔

فاروق سرورخان

تین طلاقوں‌کی ایک عدت پر کون کون سے فرقے رضامند ہیں‌یہ جاننا میرے لئے ضروری نہیں۔

البتہ آپ کے لئے یہ جاننا ضروری ہے کہ پاکستان، سعودی عرب، اردن، مصر، سوڈان، یمن، انڈونیشیا ، بنگلہ دیش اور ملائشیا میں‌ ایک وقت میں‌دی ہوئی متعدد طلاق کو صرف اور صرف ایک طلاق مانا جانے کا قانون موجود ہے۔ سب سے پہلے اس کی ابتدا مصر سے ہوئی۔ مصر میں جامعۃ الازہر نے سب سے پہلے انیسویں صدی میں‌ اس قانون کی حمایت کی۔ جس کے بعد یہ دوسرے ممالک میں‌بھی بطور قانون نافذ‌ہوا۔ لہذا اس کو "میراخیال " قرآر دینا ، صرف ان لوگوں‌کے لئے ممکن ہے جو اپنی ذاتی خواہشات کی پیروی کے لئے طرح‌ طرح کی تاویلات پیش کرتے ہیں۔ یا پھر کسی کنویں‌میں‌ بند تھے کہ کوئی 120 سالہ پرانی خبر بھی ان تک نہیں‌پہنچی ۔۔ اور آج بھی قرآن حکیم چھوڑ کر فضول کی بحث میں مصروف ہیں۔ ٹھیک ہے کہ قرآن حکیم کچھ لوگوں‌کے لئے بہت تکلیف دہ ہے لیکن کم از کم ملکی قوانین کا تو احترام کیجئے ۔۔۔ یا پھر اپنی ڈیڑھ اینٹ‌کی مسجد بنانی ہے۔ مسلمان ہے تو صرف مسلمان، نا کہ "سنی مسلم "، شیعہ مسلم ، حنفی مسلم ، اہلسنت مسلم ، قادیانی مسلم ، "یہ مسلم" ، "وہ مسلم"

فرقہ بندی ہے اور کہیں‌ذاتیں‌ہیں
کیا زمانے میں‌پنپنے کی یہی باتیں‌ہیں؟

اب اگر کچھ لوگ زبردستی تین عدد طلاقوں کو سریع رفتار سے ایک عدت میں پورا کرنا چاہتے ہیں تو ان کے پاس ضرور بالضرور اللہ کے فرمان قرآن سے کوئی نا کوئی دلیل ہوگی۔۔ آپ وہ دلیل فراہم کیجئے تو اس پر غور کیا جائے گا۔

ابن جمال

جناب اب میں آپ سے کہاں‌ تک بحث کروں جیساکہ قبل ازیں ذکر کرچکاہوں‌کہ جب ہمارے آپ کے نظریات میں مشرق ومغرب کا فرق ہے تومتفقہ نتیجہ تونکلنا کارمحال ٹھہرا۔
مصر کا حوالہ دے دیابہت خوب۔اس سے پہلے ترکی میں جوقانون رائج تھااس پر بھی توایک نگاہ ڈالتے۔ ہندوستان میں عہد اسلامی میں جو قانون رائج تھا اورجس کی معتبر دستاویز فتاوی عالمگیری ہے اس پر بھی تونگاہ دوڑاتے۔
یہ توکوئی بات نہ ہوئی کہ جہاں سے اپنے مطلب کی چیزدستیاب ہو اسے توپیش کردیاجائے اورجس سے مزعومہ نظریات کی تائید نہ ہوتی ہواس سے صرف نظرکرلیاجائے۔سعودی عرب میں بھی بطور قانون تین طلاق کوتین ہی مانتے ہیں۔بعض علماء‌کی ذاتی جو سعودی کے ہیںمثلا عبدالعزیز بن باز صاحب اوردوسرے ان کی رائے بھلے ہی کچھ اور ہو لیکن سعودی عرب میں بطور قانون تین طلاق کو تین ہی ماناجاتاہے۔
کہاں توآنجناب صرف قرآن کی بات کرتے ہیں۔احادیث سے استدلال گوارانہیں اورکہاں مصر وغیرہ کی مثال پیش کرتے ہیں یعنی آمروں کا مصر،جمال عبدالناصر کامصر،انورسادات کا مصر،اورحسنی مبارک المعزول والمخزول کا مصر۔فیاللعجب۔
بہرحال یہ اس سلسلے میں میراآخری مراسلہ تھا۔ اگرکچھ ناگوارخاطر گزرا ہوتومعذرت کاخواستگار ہوں۔
خداہمیں قرآن وحدیث کوسمجھنے اوراس پرعمل کرنے کی توفیق دے۔والسلام

فاروق سرورخان

ان تمام ممالک جن میں طلاق کو عدت کے ساتھ مشروط کیا جاتا ہے ، ان ممالک کے قوانین ، مسلمانوں نے ہی بنائے ہیں۔ ان میں‌پاکستان بھی شامل ہے۔

اب ایسے لوگوں کا کیا کیا جائے جنہوں نے اپنا اپنا اسلام ایجاد کر رکھا ہے یا کر رکھا تھا۔ مذہبی سیاسی بازی گری کا نتیجہ اتنا بھیانک نکلا کہ اورنگ زیب عالمگیر کے بعد ہندوستان میں اس "نمبر دو اسلامی حکومت" کا مکمل خاتمہ ہو گیا۔۔

اگر سب کچھ اللہ کی طرف سے ہوتا ہے تو کیا وجہ ہے کہ ملکہ برطانیہ کا خاندان آج بھی برطانیہ پر حکمران ہے اور مغلیہ خاندان کی حکومت "فتاوی عالمگیری" کا شکار ہوگئی ؟؟؟؟؟

فتاوی الہی یعنی اللہ کا فرمان قرآن طلاق کی اطلاع، عدت کی مدت سے مشروط کرتا ہے ۔۔۔‌کسی بھی فتاوی عالمگیری کی فتاوی الہی کے سامنے کوئی حیثیت ہی نہیں‌ ہے۔ آپ پوجا کیجئے عالم گیری فتاوی کے مطابق۔ میں عبادت کرتا رہوں گا فتاوی الہی ، قرآن حکیم کے مطابق۔ ----- آپ کے لئے آپ کا دین اور میرے لئے میرا دین ۔۔۔( فتاوی الہی سے اقتباس)

والسلام۔

ابوسعد

تین طلاق کے مسئلہ پر دارالعلوم دیوبند سے شائع شدہ یہ مضمون بھی قابلِ التفات ہے خاص‌طور پر جناب فاروق سرور خان صاحب کے لئے

Attached Files

teen_talaq.pdf (543.3 KB, 30 views)

عبیداللہ عبید

مفید شیرنگ کے لیے شکریہ ۔جزاک اللہ

فاروق سرورخان

مضمون کی فراہمی کا شکریہ۔ غیر منطقی نکتہ نظر کس لئے؟

اللہ تعالی کا فرمان ہے کہ جب تم عورتوں کو طلاق دو تو عدت کے دن شمار کرو۔ طلاق کو عدت کی مدت سے الگ کرنے کی کوئی معقول وجہ فراہم کیجئے۔ کیا وجہ ہے کہ تین طلاقوں کی ایک عدت کی مدت؟؟؟؟

ملا ازم نے عام پڑھے لکھے آدمی کا دماغ بھی بند کردیا ہے۔۔۔ کچھ تو خود سے سوچئے خدارا۔۔۔۔

والسلام

ابوسعد

مجھے امید ہے کہ آپ نے میرا فراہم کردہ مضمون ’’غیر جانب دار‘‘ ہو کر ’’پورا‘‘ پڑھنے کےبعد ہی جواب ارسال فرمایا ہوگا

مرزا عامر

ایک ویڈیو نظر سے گذری ہے سوچا آپ لوگوں کی نظر میں پیش کردوں۔ یہ ڈاکٹر شبیر ہیں جو ایک ساتھ 3 طلاقوں کے مخالف ہیں

__________________

میں اک دن لَوٹ کے آوں گا

فاروق سرورخان

طلاقوں کی تین یا تیس اطلاعات کی اوجہ سے طلاق کی ایک عدد عدت نہیں ہوسکتی ۔۔۔ ہر طلاق کے ساتھ عدت ضروری ہے۔

قرآنی آیات کے مناسب حوالے پیش کرچکا ہوں۔