چیتا چالباز

یہ بھارت ہے، گاندھی جی یہی پیدا ہوئے تھے، لوگ ان کی بڑی عزت کرتے تھے، ان کو مہاتما کہتے تھے، چنانچہ مار کر ان کو یہیں دفن کر دیا اور سمادھی بنا دی، دوسرے ملکوں کے بڑے لوگ آتے ہیں تو اس پر پھول چڑھاتے ہیں، اگر گاندھی جی نہ مرتے یعنی نہ مارے جاتے تو پورے ہندوستان میں عقیدت مندوں کیلئے پھول چڑھانے کی کوئی جگہ نہ تھی، یہی مسئلہ ہمارے یعنی پاکستان والوں کے لئے بھی تھا، ہمیں قائدِ اعظم کا ممنون ہونا چاہئیے کہ خود ہی مرگئے اور سفارتی نمائندوں کے پھول چڑھانے کی ایک جگہ پیدا کردی ورنہ شاید ہمیں بھی ان کو مارنا ہی پڑتا۔ بھارت بڑا امن پسند ملک ہے جس کا ثبوت یہ ہے کہ اکثر ہمسایہ ملکوں کے ساتھ اس کے سیز فائر کے معاہدے ہوچکے ھیں،١٩٦٥ میں ہمارے ساتھ ہوا اس سے پہلے چین کے ساتھ ہوا۔ بھارت کا مقدس جانورگائے ہے ، بھارتی اس کا دودہ پیتے ہیں، اسی کے گوبر سے چوکا لیپتے ہیں، اور اس کو قصائی کے ہاتھ بیچتے ہیں، اس لئیے کیونکہ وہ خود گائے کو مارنا یا کھانا پاپ سمجھتے ہیں۔ آدمی کو بھارت میں مقدس جانور نہیں گنا جاتا۔ بھارت کے بادشاہوں میں راجہ اشوک اور راجہ نہرو مشہور گزرے ہیں۔ اشوک سے ان کی لاٹ اور دہلی کا شوکا ھوٹل یادگار ہیں، اور نہرو جی کی یادگار مسئلہ کشمیر ہے جو اشوک کی تمام یادگاروں سے زیادہ مظبوط اور پائیدار معلوم ہوتا ہے ۔ راجہ نہرو بڑے دھر ماتما آدمی تھے، صبح سویرے اٹھ کر شیر شک آسن کرتے تھے، یعنی سر نیچے اور پیر اوپر کرکے کھڑے ہوتے تھے، رفتہ رفتہ ان کو ہر معاملے کو الٹا دیکھنے کی عادت ہوگئی تھی، حیدر آباد کے مسئلہ کو انہوں نے رعایا کے نقطہ نظر سے دیکھا۔ یوگ میں طرح طرح کے آسن ہوتے ہیں، نا واقف لوگ ان کو قلابازیاں سمجھتے ہیں، نہرو جی نفاست پسند بھی تھے دن میں دو بار اپنے کپڑے اور قول بدلا کرتے تھے۔

انشاء جی

محمدعدنان

بہت اچھی شئیرنگ ہے بھائی

ام طلحہ

بہت خوب اچھی شیئرنگ ہے۔

عصمت

__________________
-

عروج

ھائیں۔۔۔۔۔۔۔گاندھی اور نہرو ایسے تھے۔ حیرت نہیں ھوئی۔

عصمت

حیدر

یہ جملہ مجھے مصنف کی انتقامی کاروائی لگتا ہے۔ انہوں نے پاکستان کے بارے میں کہا تھا کہ اتنی تو ہم دھوتیاں نہیں بدلتے جتنے پاکستانی وزیر اعظم بدل لیتے ہیں

فخر بٹ

پڑھ کر بہت اچھا لگا
شئیرنگ کا شکریہ

ننھا بچہ

وہ کونسا آپ کو عید کارڈ بھیج رہے ہیں
دل کی بھڑاس جہاں نکلتی ہے نکالو

حیدر

کوئی عید کارڈ بھیجے نا بھیجے۔ کسی پر غیر منصفانہ بات نہیں کرنی چاہیے (اس جملے کا مندرجہ بالا پیرا گراف سے کوئی تعلق نہیں)

ننھا بچہ

چلیں آپ نا کریں غیر منصفانہ بات۔ ویسے قول بدلنے والی بات دل کو لگتی ہے

راجہ اکرام

بھارت

ابن انشاء کی یہ تحریر پہلے سے پاک نیٹ پر موجود ہے
یا دونوں‌کو ضم کر دیا جائے یا قانون کے مطابق پرانی کو باقی رکھا جائے اور نئی کو سرد خانے میں منتقل کر دیا جائے ۔۔ شکریہ

__________________
محتاج اصلاح و دعا

سام

مولانا ظفرعلی خان نے کہا تھا؎
ہندوستان میں بلائیں دوہی ہیں اک ساورکر،اک گاندھی ہے
اک جھوٹ کاچلتاپیکرہے،اک مکر کی اٹھتی آ ند ھی ہے
یہ توہماری رائےہے یہ حقیقت اپنی جگہ ہےکہ اپنی قوم کے لیےانہھوں نے بہت کچھ کیا ۔اسی لیے قائداعظم نےگاندھی جی کوگلاب کے پھول سےتشبیہہ دی تھی۔

راجہ اکرام

کوئی شک نہیں گاندھی نے اپنی قوم کے لیے بہت کچھ کیا
لیکن انسانیت کے نعرے لگانے والا ڈرامہ بھی بہت خوب کیا ۔۔ اوپر سے جتنے امن کی آشا تھے اندر سے مسلمانوں کے خلاف اتنے ہی سخت بغض رکھنے والے تھے۔

اور قائد اعظم نے گاندھی جی کو گلاب کے پھول سے تشبیہ کب دی تھی؟ اس کی تاریخ دیکھنے کی ضرورت ہے۔ جب کانگریس کے پلیٹ فارم سے مشترکہ کاوشیں ہو رہی تھیں تب یا اس سے قبل تو ایسا ہو سکتا ہے لیکن جب قائد اعظم پر حقائق آشکار ہو گئے اور وہ مسلمانوں کے لیے علیحدہ ریاست کے مطالبے کے ساتھ کوشش کرنے میں مصروف ہوئے اس کے بعد ان کی طرف سے ایسا بیان اور ایسی تشبیہ کم از کم مجھے ممکن نظر نہیں آتی۔

عصمت

مصنف کی انتقامی کاروائی بھی ہو سکتی۔ ہونے کو کیا نہیں ہو سکتا
یہ تو بات کی حد تک ٹھیک ہے سچائی رب ہی جانتا ہے
*************************************