skjatala

(سائرہ غفار)
رمضان کی آمد کے ساتھ ہی KESCکا رمضان پیکیج بھی شروع ہوگیا ہے۔سحری اور افطاری میں خصوصی لوڈشیڈنگ سروس میں آپ کو جگانے اور الرٹ رکھنے کا خصوصی انتظام کیا گیا ہے۔اب آپ کو سحری میں الارم لگا کر سونے کی کوئی ضرورت نہیں ہے کیونکہ یہ کام اب KESC کرے گی، آپ سے بھاری بھرکم بل جو لینا ہے۔

سحری کا ٹائم ختم ہوتے ہی آپ کو آدھے گھنٹے کے لئے لائٹ فراہم کی جائے گی تاکہ آپ تلاوتِ کلام پاک سے فیض یاب ہو کر ربِ ذوالجلال کی بیش بہا رحمتیں اور برکتیں سمیٹ سکیں۔پھر دوبارہ لائٹ لے لی جائے گی کیونکہ یہ اب آپ کے کسی کام کی نہیں۔ آپ کے آفس کا ٹائم جو ہوجائے گا۔

دن بھر کے تھکے ہارے جب آپ گھر کو لوٹیں گے تو آپ کو لائٹ بالکل بھی نہیں دی جائے گی ورنہ آپ سستی کے مارے نیند کا شکار ہوکر اپنی ظہر کی نماز قضا کرجائیں گے جو KESC کسی صورت برداشت نہیں کرسکتی۔جب KESCکو بالکل یقین ہوجائے گا کہ آپ نے ظہر کی نماز ادا کرلی ہے تو آپ کو لائٹ دے دی جائے گی۔

عصر کے وقت آپ سے لائٹ واپس لے لی جائے گی کیونکہ آپ کی نماز قضا ہوKESC کو یہ بالکل منظور نہیں ہے۔اب آپ لائٹ کا انتظار چھوڑ دیں کیونکہ یہ بالکل بیکار سا کام ہے۔ آپ کو معلوم ہونا چاہئے کہ عصر سے مغرب کے دوران چونکہ دعا کی قبولیت کا وقت ہوتا ہے لہٰذا اس وقت آپ کو لائٹ فراہم کرنا گویا آپ کو سست کرنے کے مترادف ہے۔ افطار کی تیاری ہوتے دیکھیں اور ہوسکے تو گھروالوں کا ہاتھ بٹائیں۔آپ کو یہ بھی معلوم ہونا چاہئے کہ قائدِ اعظم محمد علی جناح کا فرمان ہے ”کام،کام اورکام“۔ KESC والے اس قول ہرعمل پیرا ہیں کبھی کسی کی لائٹ بند کی کبھی کسی کو دی تو کچھ کسی کی بند کی اور کسی کو دی تو آپ کو بچاری عوام ہیں آپ کو تو ہم سے بھی زےادہ محنتی ہونے کی ضرورت ہے۔افطار کا وقت چونکہ آپ کے روزے کا امتحان بھی ہوتا ہے اور روزہ محض بھوک اور پیاس نہےں ہوتی بلکہ یہ انسان کا امتحان ہوتا ہے تو آپ سمجھ لیں کہ KESC کو آپ کا امتحان لینے کے لئے مقرر کیا گیا ہے۔
افطار کے بعد تو آپ ماشاءاللہ خوب کھا پی کر خوب صحت اور توانائی محسوس کریں گے تو اب بجلی آپ کے کس کام کی؟؟ اب تو آپ جواں مردی سے لوڈشیڈنگ برداشت کرسکتے ہیں۔لہٰذا اَب آپ کو لائٹ کی قطعاً کوئی ضرورت نہیں ہے۔ تراویح آپ مسجد کی کھلی اور پرنور فضا میں پڑھیں گے تو بجلی کا سوال ہی پیدا نہیں ہوتا یہ تو کھلا کفرانِ نعمت ہو ا۔آپ نے سنا تو ہوگا”اور تم اپنے رب کی کون کون سی نعمت کو جھٹلاﺅ گے؟“

تراویح کے بعد جب آپ گھر لوٹیں گے تو آپ کو KESC کی سخاوت کا اندازہ ہوگا کیونکہ لائٹ آپ کا پانچ منٹ سے انتظار کررہی ہوگی۔واہ جی واہ کیا کہنےKESC کے....ایسی کارکردگی کی بدولت ہی تو ہم نے ایکسی لینس ایوارڈ جیتا ہے جناب بس کبھی غرور نہیں کیا۔
چونکہ آپ کو احساس ہونا چاہئے کہ رمضان عبادتوں کا مہینہ ہے اور اس مہینے آپ عبادات میں مشغول رہ کر اپنے رب کو منا سکتے ہیں تو ہم یعنی ایکسی لینس ایوارڈ وِنرKESC آپ کو رات بھر وقتاً فوقتاً جگانے کا بھی اہتمام کریں گے اور ہم جانتے ہیں کہ KESC کو گالیاں دینے کے لئے ہی سہی آپ جاگیں ضرور!

تو رہئے رمضان میں KESC کے ساتھ.... ثواب کا مزہ....عذاب کے ساتھ!!
بشکریہ : کراچی اپڈیٹس ڈاٹ کام۔

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر

حیدر

یار ادھر ہماری طرف تو اتنا حال خراب نہیں ہے۔
بس ہر ایک گھنٹے بعد ایک یا دو گھنٹے کے لیے چلی جاتی ہے۔ اتنا تو تنگ نہیں کرتی

wajee

بالکل حیدرآباد میں‌ بھی یہی حال ہے آج دو دن بعد بجلی آئی بارش کیا ہوئی ہم سے بجلی ہی چھین لی

__________________

راجہ اکرام

اصل مسئلہ ہی سسٹم کا ہے
اتنا ناقص سسٹم ہے بجلی کی فراہمی کا کہ بارش ہوتے ہی خطرات پیدا ہونے شروع ہو جاتے ہیں
بجلی بند نہ ہو تو لوگ مرتے ہیں
بند ہو جائے تو لوگ تنگ ہوتے ہیں

__________________
محتاج اصلاح و دعا