یاسر عمران مرزا

ھماری بیگم جتنے نخرے کام والی ماسی کے اُٹھاتی ھیں۔ اُس سے اگر آدھے ھمارے اُٹھائیں۔ تو ھم اپنا کام دھندہ چھوڑ کے اُن کو گھر کا سارا کام کر دیں۔ کل تو حد ھوگئ۔ میں گھر میں داخل ھوا تو کیا دیکھتا ھوں کہ بیگم صاحبہ ماسی کے سر میں تیل کی مالش کر رھی ھیں۔ جی ھاں’ اُلٹے بانس بریلی کو’۔۔۔

میں نے حیرت سے پوچھا ۔’’یہ کیا ھورھا تھا؟’’۔ کہنے لگیں۔۔’’بیچاری کے سر میں درد ھورھا تھا۔ میں نے تیل ڈال دیا’’۔ میں نے آہ بھری۔ ’’کاش کے ھم ماسی ھی ھوتے’’۔ ھماری بات کو سُنی ان سُنی کرتے ھوئے ماسی سے بولیں۔’’چائے بنادوں؟ چائے پیوگی؟’’ ھم نے عرض کی کہ ’’اگر تھوڑی سی چائے بچ جائے تو مجھے بھی عنایت کردیجئے گا’’ ۔ کہنے لگیں۔ ’’آپ سمجھتے نہیں ھیں۔ اصل میں بار بار کہہ رہی ہے کہ سر میں درد ھورھا ھے۔ مجھے ڈر ھے کہ کہیں کل غائب نہ ھوجائے۔ سارا کام کون کریگا۔ اس لئے تھوڑا اس کے آگے پیچھے ھورھی تھی اور آپ کو تو بس بہانہ چاہیئے سندھ کے قوم پرستوں کی طرح احساسِ محرومی کا رونا رونے کا۔

حالانکہ ھر چیز وقت پر حاضر ھوتی ھے’’۔۔میں نے کہا۔’’ آپ کو یہ ڈر ھے کہ ماسی کا خیال نہ رکھا تو وہ کہیں غائب نہ ھوجائے۔ یہ ڈر نہیں کہ شوھر کا خیال نہ رکھا تو وہ کہیں غائب نہ ھوجائے’’۔ مسکرا کے کہنے لگیں۔’’کہیں نہیں جائے گا شوھر۔۔۔اور اگر جائے گا بھی تو پھر یہیں آئیگا۔۔۔بس یہی بات ھے اچھی میرے ھرجائی کی۔۔۔’’

حنیف سمانا۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

عبیداللہ عبید

واہ یاسر بھیا ، کیاحقیقت کی عکاسی ہے ۔ تحریر آپ کی ہے یا اس سمانا صاحب کی ؟؟

میری چھوٹی بچیوں سے جو پیار کرتی ہے ، میری خواہش پیداہوجاتی ہے کہ بچہ بن کر گھر میں رہوں ۔
شکریہ۔۔۔۔۔۔۔۔۔۔۔۔

یاسر عمران مرزا

جی یہ سمانا صاحب کی ہی کاوش ہے۔ مجھے ان کے فیس بک پروفائل سے ملی، اچھی لگی تو شئر کر دی۔
لگتا ہے آپ بھی کچھ لاڈ اٹھوانا چاہتے ہیں بیگم صاحبہ سے۔۔۔

سحر

ویسے بالکل ٹھیک کہا ماسیوں کا ایسے ہی خیال رکھنا پڑتا ہے ورنہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔

یاسر عمران مرزا

اور شوہروں‌کا ؟؟؟؟

منتظمین

شوہر تو بیکار چیز ہیں جو شادی کی گہما گہمی میں مفت ہاتھ لگ جاتا ہے

یاسر عمران مرزا

لگتا ہے آپکے ہاں بھی یہی سچویشن چل رہی ہے۔۔۔اوپر والی ۔

نبیل خان

خؤبصورت شئیرنگ ہے جی

عبیداللہ عبید

یاسر بھائی !پہلے بغیر پیسوں کے ،مفتوں میں ، خود لاڈ اٹھاتی اب اٹھوانا پڑتا ہے نا اس لیے بچہ بننے کی خواہش دل میں مچل رہی ہے ۔

یاسر عمران مرزا

دراصل ہر انسان کے اندر ایک چھوٹا سے بچہ موجود ہوتا ہے ، جو توجہ، پیار اور لاڈ کا طلب گار ہوتا ہے۔ اسی لیے تو شریک حیات کا ایک خوبصورت رشتہ انسان کو تحفے میں دیا گیا ہے۔

راجہ اکرام

یہ آہ فلک تک جا سکتی ہے اتنی پر سوز ہے

عروج

شوھر کو تو سجدہ بھی جائز ھو جانا تھا اگر ھوتا تو۔۔۔۔۔۔ خدمت سے تو مفت کی جنت تو ملے گی ۔ان شاء اللہ۔

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔