چاچا کمال

جہاں سلطان پڑھتا تھا
یہاں اک ایسا برخوردار عالیشان پڑھتا تھا
جو بحر درس گاہ علم کا طوفان پڑھتا تھا
وہ اسٹوڈنٹ کے حلیے میں اک شیطان پڑھتا تھا
جہاں سلطانہ پڑھتی تھی وہیں سلطان پڑھتا تھا
یہی کالج ہے ہمدم جہاں سلطان پڑھتا تھا
کھڑا رہتا تھا اکثر راستے میں نازنینوں کے
زبانی فون نمبر یاد تھے اس کو حسینوں کے
وہ ایسے گومتا تھا درمیاں ان مہ جبینوں کے
کہ ان حوروں میں گویا ایک ہی غلمان پڑھتا تھا
یہی کالج ہے وہ ہمدم جہاں سلطان پڑھتا تھا
کبھی جلسے میں دیکھا اور کبھی ہڑتال میں پایا
وہ جس محفل میں جا پہنچا اسی محفل کو گرمایا
جو کالج ایک دن آیا تو ہفتہ بھر نہیں آیا
میں عرصے تک یہی سمجھا کوئی مہمان پڑھتا تھا
یہی کالج ہے وہ ہمدم جہاں سلطان پڑھتا تھا
بسیرا اس نئے شاہین کا تھا چائے خانے میں
کلاشنکوف لے آتا تھا اکثر امتحانوںمیں
کلاسوں کی بجائے حاضری تھی اس کی تھانوں میں
وہ کم سن تھا مگر مثل سیاست دان پڑھتا تھا
یہی کالج ہے ہمدم جہاں سلطان پڑھتا تھا

Zullu230

بہت خوب ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔!

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.