The Great

عشق کا اظہار بھی کیا چیز ہے
بے تحاشہ مار بھی کیا چیز ہے

ہو گئے چودہ طبق روشن میرے
یار کا دیدار بھی کیا چیز ہے

میان سے باہر کبھی نکلی نہیں
آپ کی تلوار بھی کیا چیز ہے

چیخنے لگتا ہے مجھ کو دیکھ کر
ان کا برخوردار بھی کیا چیز ہے

یہ بنا دھکے کبھی چلتی نہیں
اپنی موٹر کار بھی کیا چیز ہے

وہ نہ جیتا ہے نہ مرتا ہے غریب
آپ کا بیمار بھی کیا چیز ہے

وہ سمجھتا ہی نہیں دل کی زباں
یار اپنا یار بھی کیا چیز ہے