مولوی صاحب جنت میں
وارد جنت میں ہوئے جب مولوی عبدالودود------مستقل پڑھتے چلا کر صلوات و درود
اک نگاہ طائرانہ ڈال کر سب پر زود ------ بولے کچھ اسلام کا خطرے میں لگتا ہے وجود
میری نظروں کو تو یہ ماحول کچھ بھاتا نہیں
کیسی جنت ہے ؟ کوئی اپنا نظر آتا نہیں
دو قدم آگے بڑھے تو حور اک آئی نظر -------حسن کی ہر د نیوی تعریف سے تھی بالا تر
اس سے بولے کون ہو تم اور برقع ہے کدھر ------کس جگہ رہتی ہو؟ شاید پاس ہی ہو میرا گھر
ہو ابھی نا کتخدا، یا بس گئیں ، دل شاد ہو !
میں ابھی آیا ہوں ، سیٹ ہو لوں تو گھر آباد ہو
سٹپٹا کر حور بھاگی ، سن کے یہ ٹیڑھے سوال ------ لگ رہا تھا پا گئی ہے ، آپ کا حسن خیال
یہ ڈرے ، اللہ کو معلوم ہے ، سب حال دل------ خاطر وحشی ، نہ ہو جائے کہیں ، جاں کا وبال
جانے کیوں جنت کا سودا تھا ، اور اکثر تھا مجھے
حجرہ مسجد میں بھی ، سب کچھ میسر تھا مجھے
پھر خیال آیا ، کوئی مسجد نہیں آئی نظر------ کیا یہاں اللہ کا ، اپنا نہیں ہے ، کوئی گھر
دی صدا حق نے ، دل انساں ہے میرا مستقر------ اور سب محو عبادت ہیں بہ عبادت دگر
پوچھا یارب ! کتنے فقہے ، کتنے عالم ہیں یہاں
میرے مسلک پر ہیں یا ، سب غیر مسلم ہیں یہاں
سن کے مولانا کی باتیں ، دیکھ کر انکے یہ گن------ حور اک یوں دوسری کے کان میں بولی کہ سن
منحنی سے قد پہ ، ہنگامہ آرائی کی دھن ------ ہیں مجسم ، معنی کل قلیلن فتنتن
آدمی لگتے نہیں ، مجموعہ جنات ہیں
بولتے سنیے تو انا نکر الاصوات ہیں
ان کے مذہب میں نہیں تھی کیا دل آزاری حرام ؟ ------ کونسے مذہب کو یہ اسلام کا دیتے تھے نام؟
نام پہ اللہ کے مروایا سب کو صبح و شام------ خود نہیں حا صل کیا لیکن شہادت کا مقام
مجھ کو ڈر ہے ، حور و غلما ں ، سب کو لڑوا ئیں گے یہ
یاں بھی اب ذاتی نظام مصطفی لا ئیں گے یہ

پوچھا یارب ! کتنے فقہے ، کتنے عالم ہیں یہاں میرے مسلک پر ہیں یا ، سب غیر مسلم ہیں یہاں