Real_Light

جاہل کی پہچان


شمعون (یہودا کا پوتا اور جناب عیسیٰ کا حواری) نے رسول خدا ص سے کہا : مجھے جاہل کی علامتیں بیان فرمادیں.

آنحضرت صلی اللہ علیہ و آلہ وسلم نے فرمایا:

• اگر اس کے ہمنشیں ہو گے تو تم کو رنج پہنچائے گا ۔
• اگر اس سے الگ رہوگے توتم کو برا بھلا کہے گا ۔
• اگر کوئی چیز تم کو دے گا تو احسان جتائے گا۔
• اگر تم اس کو کچھ دوگے تو نا شکری کرے گا۔
• اگر اس سے کوئی راز کی بات کہو گے تو (اس کو فاش کرکے )تمھارے ساتھ خیانت کرے گا۔
• اگر اس سے تم نے کوئی راز کی بات کی تو(افشائے راز کا)الزام تم پر رکھے گا۔
• اگر بے نیاز و مال دار ہو جائے گا تو مغرور سرکش ہوجائے گا اور سختی سے پیش آئے گا۔
• اگر فقیر ہوگا تو خدا کی نعمتوں کا انکار کرے گا اور گناہ کی پروا نہیں کرے گا۔
• اگر خوش ہوگا تو طغیان و زیادہ روی کرے گا۔
• اگر غمگین ہوگا تو نا امید ہوجائے گا ۔
• اگر روئے گا تو نالہ و فریاد کرے گا۔
• نیکوں کی غیبت کرے گا۔
• اگر ہنسے گا تو اس کی ہنسی قہقہ ہوگی۔
• خدا کو دوست نہیں رکھے گا اور قانونِ الہی کا احترام نہیں کرے گا۔
• خدا کو یاد نہیں کرے گا۔
• اگر تم اس کو خوش کردو تو تمھاری تعریف کرے گا اور تعریف میں لاف و گزاف سے کام لے گا جو باتیں تمھارے اندر نہیں پائی جاتیں تمھاری نیکیوں کے عنوان سے تم میں گنوائے گا۔
• اگر تم سے ناراض ہوجائے تو ساری تعریفوں کو ختم کردے گا اورتمھاری طرف ناروا چیزوں کی نسبت دے گا ۔

__________________

منتظمین

تاریخی اعتبار سے یہ ممکن نہیں ہے۔

عبداللہ حیدر

منتظمین کی بات سے اتفاق کرتا ہوں۔ عیسیٰ علیہ السلام اور نبی صلی اللہ علیہ و علی آلہ وسلم کے درمیان کم از کام ساڑھے پانچ سو سال کا فاصلہ ہے۔ جبکہ یہودا کا زمانہ ن سے بھی قبل کا ہے۔ رئیل لائیٹ بتائیں کہ نبی صلی اللہ علیہ و علی آلہ وسلم سےمنسوب یہ اقوال انہوں‌نے کہاں سے لیے ہیں تو آسانی ہو جائے گی۔

فاروق سرورخان

ایسے ہی کچھ اقوال میں‌بھی "نذر" کرنا چاہتا ہوں‌جن کے کردار زمان و مکان کی قید سے آزاد نظر آتے ہیں

فیصل ناصر

خبر کا ماخذ پوشیدہ ہے

محمدخلیل

بھائی بہت اچھی شرئیگ کی ہے بہت شکریہ

wajee

آجکل ہر کوئی اگر اپنی دل کی بات کہنا چاہتا ہے تو وہ کسی اور سے منصوب کر دیتا ہے وہ کہہ گا تو اسکی بات کو کچھ فوقیت حاصل نہیں ہو گی تو کسی بڑے سے منصوب کر کے وہ بات باآسانی کر لیتا ہے

__________________

Real_Light

شمعون (عیسی علیہ السلا م کے حواری یہودا کی نسل سے تھا جو ان کی آل واولاد سے تھا) جو اس وقت موجود تھا ،چھ سو سال میں نسل تو نہیں ختم ہوٕئی