S_S_G_Commando

بھارتی وزارت دفاع نے بھارتی بحریہ کے زیر استعمال 18عدد سی کنگ ایم کے 42اور42/بی آبدوز شکن ہیلی کاپٹروں کو جدید بنانے کے لئے 20لاکھ ڈالر منظور کئے ہیں . ان ہیلی کاپٹروں میں جد ت طرازی کا کام ’’ہندوستان ایئرو ناٹکس لمیٹڈ(ہال) کے زیر نگرانی مکمل کیا جائے گا جبکہ یہ تقریباً تین سال میں پایہ تکمیل کوپہنچے گا.
’’ہال‘‘ تمام سی کنگ ہیلی کاپٹروں میں نئے اور بہتر نظام کی تنصیب کرے گی .ان نظاموں میں انورس سنتھیٹک اپرچر ریڈار . الیکٹرونک کاونٹر مژرز. الیکٹرونک سرویلنس مژرزاور سونار شامل ہوں گے. علاوہ ازیں نئے اور ترقی یافتہ سونو بوایئزنان اکوسٹک اینٹی سب میرین سینسر ز .ڈیٹالنک .دوست/ دشمن کی شناخت کا نظام .سامنے نظر رکھنے والا انفراریڈ نظام .سٹیلائٹ کمیونی کیشن .ٹیکٹیکل مشن سسٹم .اور وی ایچ ایف/ یو ایچ ایف ریڈیو بھی ان میں نصب کئے جائیں گے.
بھارتی وزارت دفاع کا کہنا ہے کہ سی کنگ میں نصب پرانے ریڈاروں کی جگہ نئے ریڈ کی تنصیب پر بھی غور کیا جا رہاہے.ریڈاروں کی اس فہرست میں برطانوی ادارے بی اے ای سسٹمز کا’’سی اسپرے 700ای اور اسرائیل کے ایلٹا ادارے کا ’’ ای ایل /ایم 2022ایچ میری ٹائم سرویلنس ریڈار شامل ہیں
بھارت نے ویسٹ نامی ادارے سے 43عدد سی کنگ ہیلی کاپٹر خریدے تھے تاہم 1998ء میں بھارتی ایٹمی دھماکوں کے بعد امریکہ نے ان ہیلی کاپٹروں کے فاضل پرزہ جات کی بھارت کو فراہمی پر پابندی عائد کر دی تھی جس کی وجہ سے یہ ہیلی کاپٹر پرواز سے محروم رہے .البتہ2006ء میں ویسٹ لینڈ کے ساتھ ایک نئے معاہدے کے بعد فاضل پرزہ جات کی فراہمی بحال ہو گئی اور یہ ہیلی کاپٹر باقاعدہ پرواز کرنے لگے . جدر ت طرازی کے بعد یہ سی کنگ ہیلی کاپٹر 2022ء تک محو پرواز رہیں گے.