آج ہم آپ کی ملاقات اپنے ایک ایسے دوست سے کرواتے ہیں جو پہلے یہیں کے باسی تھے بس کبھی کبھی لاہور چلے جایا کرتے تھےلیکن ایک دفعہ لاہور کیا گئے کہ وہیں کہ ہو کر رہ گئے ہوا کچھ یوں کہ کسی کی زلف کے اسیر ہوگئے موصوف کا نام شاہد تھا ہم انہیں پیار سے شاہد لاہوری کہتے تھے اور وہ لاہوری ہی ہوگئے یہ دل لگی بھی بڑی عجیب چیز ہے انسان کو کہیں کا نہیں چھوڑ تی اب دیکھو نا ایک گوری کی خاطر ہمیں ہی چھوڑ بیٹھے خیر ہم بھی انہیں ایسے ہی چھوڑنے والے نہیں ہیں ۔
گوری کے گھر والے راضی ہوکر ہی نہیں دے رہے تھے خیر یہ معاملہ بڑی پنچائتوں کے بعد اختتام پزیر ہوا اور موصوف اپنے گھر کے ہو چلے ہم نے بھی ان کے لئے ایک وداعی نظم لکھی تھی تاکہ ہم نہ سہی ہماری یاد ہی سہی ان کے پاس تو رہے سوچا آپ سے بھی شیئر کرتے چلیں ۔
لیکن یاد رہے اب کی بار یہ ہمارا تخیل نہیں ہے حقیقت ہے ..لیکن اس حقیقیت سے آپ پردہ اٹھائیں گے کہ یہ غزل حقیقت میں کیسی ہے ۔
لیجئے تو محظوظ ہوئیے لیکن خبر دار ! اپنی آراء سے آگاہ کرنا نہ بھولیئے گا ۔


اک مولوی شاہد کی سناتا ہوں کہانی
تیزی نہیں کچھ اپنی طبیعت کی دکھانی

تھا علم و ادب میں اسے کچھ ایسا خاص ربط
تعریف اس کی سنتا تھا ہر اک کی زبانی

تھی علمِ تصوف میں اسے خاص بلاغت
مشہور تھی اسکی گلی کوچہ ہمدانی

پوچھو جو اس کے دوستوں کی ایک ہی تھا خاص
تھی اس کی دوستی اس سے کچھ خاص پرانی

اس دوستی کی خاص وجہ علم و ادب تھا
تھی رنگ و خو میں ایک ہی دونوں کی جوانی

جب باتوں میں بیٹھیں کئی راتیں بھی ہوں چھوٹی
پر ختم نہ ہو ان کی فقط ایک کہانی

جو غیر سنی اس سے اگر کوئی الجھ جائی
دے ایسا پھٹکا اس کو کہ مانگے نہ وہ پانی

اک لڑ کی کی الفت نے کیا اس کو گرفتار
تھا نام حمیرہ تھے جس کے سرخ معنی

تھا اس کی محبت میں وہ کچھ ایسا دیوانہ
جیسے کوئی پیاسا ہو تڑپتا بنا پانی

تھی کوششوں پہ کوششیں پر لوگ تھے پکے
گھر والوں نے اس کی کوئی بھی بات نہ مانی

ہو عشق میں گہرائی تو ہر بات ہے ممکن
کرتا ہے سچے عشق کی مولا نگہبانی

آخر بڑی پنچائتوں سے ہو گئی شادی
یہ بات پتا چل گئی لوگو ں کی زبانی

دیتا ہوں دعا اس کو میں ہر ایک خوشی کی
لبریز خوشیوں سے رہے اسکی زندگانی

منصور اب تو کھینچ لے بس اپنی لگامیں
مشکل ہی نہ پڑ جائے کہیں جان بچان