ماہم

یہ ننھی سی ماہم شرارت کی پڑیا
جو دیکھو اگر اسکو لگتی ہے گڑیا

کبھی سر ہلائے کبھی نک چڑائے
کبھی بلیوں جیسے منہ یہ بنائے

جو آنکھوں میں‌اس کی شرارت بھری ہو
تو ہونٹوں پہ اسکے ہنسی جھومتی ہو

ہے اس کا عجب رنگ ڈھنگ ہے نرالا
مجھے تو یہ شیطاں‌ کی لگتی ہے خالا

جو چھوڑو تو بھاگے جو پکڑو تو ڈانٹے
کبھی ہاتھ پر اپنے مارے چماٹے

کبھی ہنس کے یہ دوسروں کو ہنسائے
کبھی رو کے سب کو دیوانہ بنائے

ہنسی میں ہے رونا تو رونے میں ہنسنا
شرارت کو اس کی ہے مشکل سمجھنا

کبھی بھپ کرے یہ کبھی تاں کرے یہ
کبھی ہاں کرے یہ کبھی نہ کرے یہ

کبھی یہ گرے اور کبھی لے سنبھالے
کبھی یہ حلق سے آوازیں نکالے

چہکنے میں بلبل مہکنے میں یہ گل
شرارت میں چلبل تو سونے میں کلبل

ہے الٹا و سیدھا یہی نام اسکا
ہے MAHAMالٹ اور پلٹ نام اسکا

تھا اتوار اور جون کی بیس تاریخ
تھی پہلی جمادی الاول کی تاریخ

تھی ہجری بھی چودہ سو پچیس بیشک
تھا سن دو ہزار اور تھا چار بیشک

ٹپکتی ہے آنکھوں سے کیسی ذہانت
تیری ہر ادا سے ہے پیدا محبت

کبھی دیکھتی ہے کبھی شرم آئے
کبھی یہ اٹھے اور کبھی لیٹ جائے

تیری آنکھ حیراں ہے شوخی بھری ہے
تجسس ہے یا اس میں مستی بھری ہے

تیرا بخت روشن رہے مثلِ اختر
رہیں غم تیری زندگانی سے باہر

ہمیشہ تیری زندگی مثلِ گلُ ہو
تیری زیست کی ہر تمنا سہل ہو

عمل پر ہو قائم تیری زندگانی
مٹے غم ملے ہر جگہ شادمانی

ہے میری دعا یہ خدا سے کہ ہر دم
رہے پاک تیرا گناہوں سے دامن( آمین