2004کی برسات کی حال

برسات کا پانی ہے سڑکوں پہ روانی ہے
رحمت بنی ہے زحمت تمثیل پرانی ہے

اٹّھے گا کوئی غازی یا حسین احمد قاضی
کچھ جھوٹی سچی باتوں کی دھاک جمانی ہے

رستے بدل بدل کر غصہ نگل نگل کر
خوگر ہوئی ہے ملت خاموش کہانی ہے

یہ تیرے ملک والے کھولے ہیں دھندے کالے
ان کو کوئی سنبھالے پھر کشتی میں پانی ہے

کوئی وقت کا بیٹا ہو افلاک پہ بیٹھا ہو
ان سب کو سمیٹا ہو خواہش یہ پرانی ہے

پانی سے بھرے نالے کوئی گند یہ نکالے
پچھلوں پہ خاک ڈالے یہ ان کی نشانی ہے

یہ رسم ہے پرانی ٹوٹی ہوئی کمانی
مانگے نہ کوئ پانی کھانا ہے نہ پانی ہے

بھولے ہیں یہ اللہ کو کوسے ہیں یہ ملّا کو
کوئی تو من اللہ ہو جو رب کی نشانی ہے

منصور کیوں کڑھتا ہے تقدیر سے لڑتا ہے
کر عیش مچا دھومیں دو دن کی جوانی ہے