زارا

السلام علیکم

اسپین کے دو سیکورٹی ماہرین کا کہنا ہے کہ 2G موبائل فون نیٹ ورکس میں ایسے حملے کا خطرہ موجود ہے جس کے ذریعے موبائل فون براﺅزنگ کو باآسانی ہیک کیا جا سکتا ہے۔

اسپین کی انٹرنیٹ سیکورٹی کمپنی Taddongسے تعلق رکھنے والے دو ماہرین David Pérez اور José Picónyنے ایک ایسا طریقہ کار وضع کیا ہے جس کی مدد سے موبائل فونز ڈیٹا کمیونیکشن کوہیک کرکے موبائل فون میں آنے اور جانے والی انفارمیشن تک رسائی حاصل کی جا سکتی ہے۔

دونوں ماہرین نے گزشتہ ہفتے ورجینیا میں منعقدہ the Black Hat DC hacking conference میں مذکورہ حملے کی تفصیلات بتاتے ہوئے کہا کہ اس طریقہ کارمیں موبائل فونز کو اصل نیٹ ورک کے بجائے جعلی نیٹ ورک سے Connectکر دیا جاتا ہے اور یہ طریقہ کار حیرت انگیز طور پر انتہائی آسان ہے۔

اس تحقیق سے بیس اسٹیشن ٹیکنالوجی کی ہیکنگ کو اوسط درجے کے ہیکر کےلئے مہنگی قرار دینے بھی ماضی کا حصہ بن گئی ہیں کیونکہ مذکورہ سیکورٹی ماہرین کا کہنا ہے کہ ہیکنگ ہارڈویئر 10ہزار ڈالر سے بھی کم قیمت میں بنایا جا سکتاہے۔

ماہرین کے مطابق2Gٹیکنالوجی(GPRS/EDGE) کو باآسانی ہیک کیا جا سکتاہے تاہم اب بھی 3G ٹیکنالوجی میں ہیکنگ دشوار عمل ہے۔

ماہرین کے مطابق کسی بھی علاقے میں 3G سگنلز کو جیم(JAMM) کرکے موبائل فونز کو زبردستی 2G پر منتقل کیا جا سکتا ہے کیونکہ 99.9فیصد موبائلز میں یہ خصوصیت موجود ہے کہ اگر 3G نیٹ ورک موجود نہ ہو تو وہ 2Gنیٹ ورک پر منتقل ہو جاتے ہیں۔

مذکورہ ماہرین کا کہنا ہے کہ جب موبائل فونز جعلی نیٹ ورک سے کنیکٹ ہو جاتا ہے توکسی بھی ہیکر کےلئے موبائل فون کو اپنے کمپیوٹر کے ذریعے مانیٹر کیا جا سکتاہے جبکہ لیپ ٹاپ استعمال کرنے والوں کےلئے یہ خطرہ زیادہ سنگین ہو جاتا ہے کیونکہ ہیکرز کو ایسے حملے سے کمپیوٹر تک مکمل رسائی حاصل ہو جا تی ہے۔

ماہرPerez کے مطابق2G نیٹ ورک فراہم کرنے والی کمپنیز کےلئے اس مسئلے سے نمٹنا آسان نہیں ہے اس لئے موبائل صارفین کو چاہیے کہ وہ خود احتیاط برتیں۔

یونیورسٹی آف مانچسٹر برطانیہ میں کمپیوٹر اینڈ نیٹ ورک کے ایک تحقیق دان Ning Zhangنے بھی اس بات سے اتفاق کیا ہے کہ صارفین کو چاہیے کہ وہ خود اس قسم کے حملوں سے بچنے کےلئے احتیاط کریں۔