زید 24-08-07, 11:51 PM

ایک انسان کی عمر ساٹھ سال ھو جاتی ھے تو وہ جسمانی لحاظ سے کمزور ھوجاتا ھے اُس کی ذہنی صلاحیت اور کارکردگی بھی متاثر ھوتی ھے اسی لیے سرکار بھی اپنے ملازم کو اس عمر میں گھر بھیج دیتی ھے لیکن ایک ریاست کو وجود میں آئے جب ساٹھ سال ھوتے ہیں تو یہ وقت اُس کی عین شباب کا ھوتا ہے یہ ریاست کی نوجوانی کا زمانہ ہے چین میں ماؤزے تنگُ کے انقلاب کو بھی ساٹھ سال ھوا چاہتے ہیں
آج اُس کی عسکری اور اقتصادی طاقت سے وقت کی سپرم قوت امریکہ خوفزدہ ھے-بھات اور پاکستان ساٹھ سال قبل اکٹھے آزاد ہوے تھے-

بھارت جی پندرہ سے آگے بڑ کر جی آٹھ میں ٹانگ اڑانے کی کوشش کر رہا ھے-لکین پاکستان کا معاملہ بالکل مختلف رہا ،جسے کوئ کلی بِن کھِے مرجھا گئ ہؤ-سردراتوں کی چاندنی اور غریب کی جوانی کی طرح بےوقعت بےتوقیر-حالانکہ پاکستان کا آغاز بہت اچھاتھا،اگرچہ بھارت نے بدیانتی کرتے ھؤے اثاثہ جات میں حصہ نہیں دیا تھا-انگرز کا سلوک بھی سوقیانہ تھا-مسلمانوں کی معاشی حالت بھی ناگفتہ تھی-

سرکاری ملازمین کو تنخواہ دینے کے لیے خزانہ میں کچھ نہ تھا-معہاجرین کا سیلاب اُمڑ آیا تھا-انسانی تاریخ کی سب سےعظیم ہجرت ہوئی تھی اس سے نبردآزما ہونے کے لیےاَن گنت وسائل کی ضرورت تھی-شاید اسیے ہی حالات کی توقع کرتے ہوئے آزادی سےپہلے ہی اکثر اقتصادی بررجمہروں نے یہ کہہ دیا تھاکہ پاکستان اپنا وجود برقرا نہیں رَکھ سکے گا اورپکے پھل کی طرح بھارت کی جھولی میں گر جائے گا-
لیکن 1998 میں پاکستان کی حکومت نے پہلا بجٹ پیش کر کے جو ایک متوازن بجٹ تھا،دنیا کو حیران کر دیا-اِسی سال سیٹٹ بنک آف پاکستان قائم ہوگیا اور پاکستان نے معاشی بہتری کی طرف کچھوے کی چال میں رنگنا شروع کر دیا-سیاسی لحاظ سے پیش قدمی کرتے ہوئے پہلے ہی سال اُسے اقوام متحد کی باقاعدہ رکنیت حاصل ہوگئ - ساری دنیا میں صرف افغانستان نے مخالفت کی-
ریڑ کلف ایوارڑ میں انتہائی بدیانتی کا مظاہرہ کرتے ہؤے بھارت کو زمینی طور ثر کشیمر سے جوڑ دیاگیا، جس سے کشمیر میں جنگ چھڑگئ- قبائلی علاقوں سے مسلمانوں نے کشمیر کا رخ کیا اور بھارتی فوج کو ناکوں چنے چبوا دئے- قائداعظم نے بھی افواج پاکستان کو کشمیر جانے کا حکم دیا، لکین انگریزکمانڑرانچیف ڑگلس گیسی نے حکم کی خلاف ورزی کی-بھارت اقوام متحد کی طرف بھاگا اور رائے شماری کا وعدہ کرکے اپنی جان چھڑائی جنگ بندی ہؤ گئ - اُس وقت کے مسلمان فوجی ماہرین نے جنگ بندی کی شدید مخالفت کی -اُس غلطی کی سزا ہم آج تک بھگت رہے ہیں- بہرحال میدان جنگ بھارت کو شکست ہؤئی -
برطانیہ دوسری جنگ عظیم میں فتح کے باوجود اپنے جسد ثر لگے ہؤئے زخم چاٹ رہا تھا- غلاقے میں کمیونزم غلعلہ تھا اور اس کامرکز سوویت یونین تھا، جو پاکستان کے سر پر کھڑا غرا رہا تھا-کمیونزم ملحد اور بےخدا نظام تھا،نظریاتی اعتبار سے پاکستان کے لیے ممکن ہی نہیں تھا کہ وہ سویت یونین کی طرف دوستی کا ہاتھ بڑھاتا-لیاقت علی خان نے امریکہ اور یورپ کے عیسایئوں سے تعلقات بنانے کو ترجیح دی - ابھی پاکستان کو بنے ایک سال ہی ہوا تھا کہ برطانیہ کے حرامی بچے نے اسرائیل کے نام سے مشرق وسطی میں جنم لیا اور فلسطینیوں کے گھر بار برباد کر دیے گیے-اس وقت جنوب مشرقی ایشیا کی صورتِ حال یہ تھی کہ بھارت کو پاکستان دشمنی میں سوویت یونین کی سر پرستی حاصل ہو چکی تھی -چین بھی بےخدا نظام کی زد میں آچکا تھا- افغانستان مسلمان ملک ہوتے ہؤے بھارت کے ہاتھوں میں کھیل رہا تھا

یعنی عسکری لحاظ سے یہ نوزائیدہ ریاست پاکستان دشمنوں میں گھری ہوئی تھی اقتصادی لحاظ سے شہریوں کے لیے جسم و جان کا رشتہ برقرار رکھنا مشکل ہورہا تھا۔۔ ایسے وقت میں یہودیوں نے بعض شرائط کے ساتھ پاکستان کے لئے اپنے تجوریوں کے منہ کھول دینے کی پیشکش کی،لیکن پاکستان کی مسلمان قیادت کا اُس وقت ضمیر زندہ تھا لہذا یہودیوں کو یہ صاف جواب دیا گیا our souls are not for sale' (ہماری روحیں برائے فروخت نہیں ہیں)

یگر موجودہ قیادت اور لبرل دانشور اُس وقت ہوتے تو اِس طرح کی تاویل کر سکتے تھے کہ اسلام نے اضطراری کیفیت میں حرام کھانے کی بھی اجازت دی ھے اور یہودی تو اہلِ کتاب ہیں،اِن کی مدد وصول کرنے میں کیا حرج ھے۔۔ نظریاتی لحاظ سے بھی ہمارا رخ درست تھا اور ہم صحیح سمت میں سفر کر رہے تھے۔۔ پاکستان بننے کے چار سال بعد پارلیمنٹ نے قرار دادِمقاصد منظور کرکے قومی سطح پر یکسو ہونے کا دوٹوک اعلان کردیا۔۔

اُس وقت تک یہ حال تھا کہ پاکستان بھارت سے معاشی لحاظ سے بہتر تھا۔۔ پاکستان کا ایک سو روپیہ بھارت کہ ایک سو چوالیس روپے کے مساوی تھا۔۔ عوامی سطح پر بھی پاکستانی بھارتیوں سے اوسط آمدنی کے لحاظ سے بہتر پوزیشن میں تھے اس کے بعد نہ جانے پاکستان کو کس کی نظر کھا گئی قراردادِ مقاصد پر عملدرآمد اُس کی طرف ادنٰی سی پیش رفت بھی نہ ہو سکی اور وہ فائلوں میں محفوظ ہوکر رہ گئی اچھے دنوں میں بھی بڑی برائی کو ختم کیا جاسکا۔۔

ہعنی جاگیر دارینہ نظام پوری آب و تاب سے قائم رہا۔ ہم اسے بلا جھجک اور بلا خوف تردید معماررانِ پاکستان بہت بڑا اور ناقابل معافی جرم سمجھتے ہیں۔۔ ان جاگیرداروں میں اکثر ناخواندہ تھے لہذا انہوں نے ذاتی مفادات کے حصول اور دولت کی لوٹ کھسوٹ کے لیے سول اسٹیبلشمنٹ کو ساتھ ملایا۔۔ پھر یہ کہ ان لوگوں کی کوئی سیاسی commitment نہیں ہوتی تھی۔۔ مسلم لیگ ایک تحریک ضرور تھی، لیکن وہ باقاعدہ جماعت کبھی بھی نہ بن سکی تھی

لہٰٰٰٰٰزا کارکنوں کی سیاسی تربیت کا کوئی سوال ہی نہ تھا-سیاست کا مطلب صرف حصول اقتدار سمجھ لیا گیا اور اقتدار کو حصول دولت کا ذریعہ بنالیا گیا-استحکامِ پاکستان کے حوالہ سے یہی ذہنیت زہر قاتل ثابت ہوئی اور جاگیرداری نظام نے قومی جسد میں جو مرض پیدا کیا تھا وہ کنیسر بن گیا اور اسی بنا پرہم آج مرض الموت میں مبتلا ہیں-

اقتدار کا مطلب جب عیش وعشرت،رعب ودبدبہ،حکومتی وسائل کی لوٹ ماربن گیا توجو چھننیے کی قوت رکھتے تھے-جن کے پاس بندوق تھی،انہوں نے اُسے سیاست دانوں کے سنیے پر رکھ دیا-سول انتظامیہ سمجھ دار تھی اُس نے اُسے جی آیاںنوں کہا اور اقتدار میں شرکت کر لی-عدلیہ کے پاس عذر تھا،ہم بندوق والوں کو کیسے روک سکتے تھے-حالانکہ وہ اُن کے راستے میں زبردست رکاوٹیں کھڑری کرسکتے تھے-لیکن اُنہوں نے نظریہ ضرورت کا سہارا لے کر عدل کی لٹیا ڈبودی -

پریس پر ایسی ایسی قدغنمیں لگ گئ کہ آز اد دنیا میں اُس کی مثال نہیں ملتی-نہ صرف پریس بندہوے بلکہ صحافیوں کے خلاف بغاوت اور دہشت گردی کے مقدمات دائر ہوئے-گویاجہموریت کے چاروں ستونوں کوچت کرکے بندوق والے جہموریت کی چھاتی پر سوارہوکر فاتحانہ انداز میں قہقہے لگاتے رہئے-نتیجہ یہ نکلا کہ 1971 ء قائداعظم کا پاکستان دو لخت ہوگیا-بقول شخصے ہم نے قائداعظم کا احسان اتار ثھینکا-

آج پاکستان کا جو حال ہے اسے دیکھ کر سچی بات ہے استحکام پاکستان لکھتے ہوئے شرم محسوس ہورہی ہے-اپنا ضمیر ہی چین نہیں لینے دیتا،کون سا پاکستان اور کیسا استحکام-وہ پاکستان جس کی فوج مسجد میں محصور لوگوں کو گولیوں سے بھون رہی ہے،جن کا جرم صرف یہ ہے کہ وہ مملکت خداداد پاکستان میں اسلامی نظام کے نفاد کا مطالبہ کر رہے تھے-وہ پاکستان جس میں جرائم پیشہ لوگ حکومت میں اعلٰی ترین عہدے حاصل کرتے ہیں-وہ پاکستان جس کی مساجد اور امام باڑوں میں نمازیوں کو بموں سے ہلاک کیا جارہا ہے-وہ پاکستان جس میں فحش اور غلیط تو اونچی آواز میں سُنے جاسکتے ہیں،خطبہ جمہ کی آواز مسجد سے باہر آرہی ہو تو خطیب کے خلاف مقدمہ دائر ہو جاتا ہے-وہ پاکستان جو دنیا میں بدعنوانی اور رشوت کے حوالہ سے ٹاپ ٹین میں رہا ہے-اگر ہم 60 سال میں اپنی سیاں کرتوتوں کی فہرست تیار کریں تو ایک ضخیم کتاب وجود میں آجائے-بہرحال ہمیں یہ اقرار کرنے میں کوئی قباحت محسوس نہیں ہوتی کہ 14 اگست کے بعد عوامی نقطہ نظر سے غلامی کی طرز میں فرق واقع ہوا ہے،حقیقت میں کویی فرق نہیں-

زید Member اجنبی تاریخ شمولیت: Jul 2007 عمر: 27 مراسلات: 49 شکریہ: 27 18 مراسلہ میں 24 بارشکریہ ادا کیا گیا Show Printable Version Email this Page